Mallikarjun Kharge : कुंभमेळ्यामुळे गरिबी हटणार नाही; काँग्रेस अध्यक्ष मल्लिकार्जुन खर्गेंची भाजप नेत्यांवर टीका

महू (मध्यप्रदेश) : भाजप नेत्यांच्या कुंभमेळ्यातील स्नानावरून काँग्रेस अध्यक्ष मल्लिकार्जुन खर्गे यांनी आज टीकास्त्र सोडताना, ‘‘गंगेमध्ये स्नान केल्याने देशातील गरिबी दूर होणार नाही’’ असा टोला लगावला..राज्यघटना वाचविण्यासाठी काँग्रेस कार्यकर्त्यांनी एकसंघ राहायला हवे अन्यथा दलित, मागास, आदिवासी व गरीब जनतेला याचा मोठा फटका बसेल असेही खर्गे यांनी नमूद केले. ते येथे आयोजित ‘जय बापू, जय भीम जय संविधान’ रॅलीमध्ये बोलत होते..भाजप आणि राष्ट्रीय स्वयंसेवक संघाचे लोक हे देशद्रोही असून काँग्रेसला देशातील गरीब जनतेचे धर्माच्या नावाखाली होणारे शोषण मान्य नाही असेही त्यांनी नमूद केले.‘‘ मला कुणाच्याही भावना दुखवायच्या नाहीत पण भाजपचे नेते केवळ कॅमेरे पाहून गंगेत स्नान करत आहेत..हेच संघाचे लोक प्रत्येक मशिदीखाली शिवलिंग पाहू नका असे सांगतात तर, दुसरीकडे तसे कृत्य करण्यासाठी चिथावणी देतात. या मंडळींचे देशाच्या स्वातंत्र्य लढ्यामध्ये शून्य योगदान आहे. आम्ही संघर्ष करत असताना ही मंडळी ब्रिटिशांसोबत उभी होती,’’ असेही खर्गे म्हणाले. केंद्रीय गृहमंत्री अमित शहा यांच्या राज्यसभेतील उत्तरावरही खर्गे यांनी टीका केली..Damini Team : गरिबी आहे, चारही मुलीच आहेत, म्हणून करत होतो तिचे हात पिवळे, ‘दामिनी’ने रोखला बालविवाह; कुटुंबाचे समुपदेशन.त्या चर्चेच्या निमित्ताने शहांच्या मनातील डॉ.आंबेडकरांबाबतची भावना दिसून येते असे ते म्हणाले. पंतप्रधान मोदी आणि गृहमंत्री शहा यांचे पाप लक्षात घेतले तर ते आणखी शंभर वर्षे तरी स्वर्गामध्ये जाणार नाहीत असेही त्यांनी नमूद केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.