नवी दिल्ली- लोकसभेत बोलत असताना भाजप खासदार रमेश बिघुरी यांची पातळी सोडल्याचं पाहायला मिळालं होतं. त्यांच्या मागे बसलेले केंद्री मंत्री हर्ष वर्धन मुस्लिम खासदाराबाबत आक्षेपार्ह वक्तव्य करत असताना हसत असल्याचं व्हिडिओमध्ये पाहायला मिळालं. त्यानंतर रमेश बिघुरी यांच्यासह हर्ष वर्धन यांच्यावरही टीका होऊ लागली होती. 'एक्स'वर हर्षवर्धन यांचे नाव ट्रेंड होत होते.
हर्ष वर्धन यांनी याप्रकरणावर प्रतिक्रिया दिली आहे. त्यांनी 'एक्स'वर लांबलचक पोस्ट करत स्पष्टीकरण दिलंय. संसदेमध्ये मोठा गोंधळ सुरु होता. दोन नेत्यांमध्ये शाब्दिक जुगलबंदी सुरु झाली होती. त्या गोंधळामध्ये रमेश बिघुरी काय बोलले हे मला ऐकूच आलं नाही, असं ते म्हणाले आहेत.
हर्ष वर्धन म्हणाले की, मी माझं नावं एक्सवर ट्रेंड होताना पाहिलं. या दुर्दैवी प्रकरणात काही लोकांनी मला ओढलं आहे. केंद्रीय संरक्षणमंत्री राजनाथसिंग यांनी या घटनेबाबत खेद व्यक्त केला आहे. दोन्ही पक्षांकडून अपशब्दांचा वापर करण्यात आला होता. काही मुस्लिम मित्र सोशल मीडियावर माझ्याविरोधात लिहित आहेत. पण, मी अशा काही प्रकरणात सहभागी असेल असं त्यांना खरंच वाटतं का? असा सवाल त्यांनी विचारला आहे.
माझ्यावर करण्यात आलेले आरोप खोटे आणि बनावट आहेत. गेल्या ३० वर्षांच्या राजकीय प्रवासात माझा लाखो मुस्लिम लोकांची संपर्क आला. माझा जन्म चांदणी चौकातील फाटक तेलियानच्या गल्लीत झाला आहे. माझं बालपण तेथे गेले. याठिकाणी मुस्लिम मित्रांसोबत खेळत वाढलो आहे. माझ्या संपर्कात आलेल्या लाखो मुस्लिम बांधवांना माहितीये की मी कसा आहे, असं ते म्हणाले.
मला आनंद आहे की मी चांदणी चौक मतदारसंघातील खासदार आहे. सर्व लोकांनी मला मतदान केलं नसतं तर मी तेथून जिंकून येऊ शकलो नसतो. मला काही लोकांनी याप्रकरणात ओढलं याचं मला वाईट वाटतं. संसदेत मोठा गोंधळ सुरु होता. दोन नेत्यांमध्ये जुगलबंदी सुरु होती. त्यामुळे मला काही ऐकू आलं नाही. मी नेहमीच काही तत्वे पाळत आलोय, असं ते म्हणाले. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
