नवी दिल्ली : अमेरिकेत अदानी समूहाविरुद्ध सुरू असलेल्या चौकशीमुळे पंतप्रधान नरेंद्र मोदी अमेरिकेचे अध्यक्ष डोनाल्ड ट्रम्प यांचा सामना करू शकत नसल्याचा दावा आज लोकसभेतील विरोधी पक्षनेते राहुल गांधी यांनी केला..‘‘भारताने कृपया समजून घ्यावे : अध्यक्ष ट्रम्प यांनी वारंवार धमक्या देऊनही त्यांंच्यासमोर पंतप्रधान मोदी यांचा निभाव लागू शकलेला नाही. कारण अदानी प्रकरणाची अमेरिकेत चौकशी सुरू आहे. एक जोखीम मोदी, एए आणि रशियाच्या तेल सौद्यांतील वित्तीय संबंध उघड होण्याचीही आहे. मोदींचे हात बांधलेले आहेत,’’ अशा आशयाचे ट्विट राहुल गांधी यांनी केले..‘भारत रशियाकडून केवळ तेलच खरेदी करीत नसून या तेलाचा मोठा भाग खुल्या बाजारात प्रचंड नफ्यावर विकत आहे. रशियाकडून युक्रेनचे किती लोक मारले जात आहेत, याची भारताला पर्वा नाही,’ अशी टीका ट्रम्प यांनी केली होती. त्यावर राहुल गांधी यांनी ही टिपणी केली. भारताची अर्थव्यवस्था मृतवत झाली असल्याचे ट्रम्प यांनी म्हटले होते. त्यासाठी पंतप्रधान मोदी यांना जबाबदार ठरवून राहुल गांधी यांनी भारताची अर्थव्यवस्था मृतप्राय झाल्याच्या ट्रम्प यांच्या विधानावर सहमती व्यक्त केली होती..राष्ट्रीय हितांच्या आधारावर आपले ऊर्जा धोरण आखण्याचा सार्वभौम अधिकार असल्याचे नमूद करीत परराष्ट्र मंत्रालयाने एका वक्तव्याद्वारे या मुद्द्यावरुन भारताचा बचाव केला आहे. अमेरिकेने भारतावर २५ टक्के आयात शुल्क लावले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
