निर्भयाचे दोषी आंतरराष्ट्रीय न्यायालयात

निर्भयाचे दोषी आंतरराष्ट्रीय न्यायालयात

नवी दिल्ली - निर्भया बलात्कार प्रकरणातील चार दोषींपैकी तिघांनी आज त्यांना झालेल्या फाशीच्या शिक्षेविरोधात आंतरराष्ट्रीय न्यायालयात धाव घेतली. अक्षयसिंह, पवनकुमार गुप्ता आणि विनय शर्मा या तिघांनी हेग येथील आंतरराष्ट्रीय न्यायालयाला अर्ज करत फाशीची शिक्षा स्थगित करण्याची मागणी केली आहे. 

एकूणच जगभरात फाशीची शिक्षा रद्द व्हावी, अशी मागणी करत अनेक संघटनांनी या न्यायालयात धाव घेतल्याचे दोषींचे वकील ए. पी. सिंह यांनी सांगितले. आंतरराष्ट्रीय न्यायालयात केवळ दोन देशांमधील वाद सोडविले जातात. त्यामुळे, या तिघांच्या अर्जावर विचार होण्याची शक्यता कमी आहे. मात्र, फाशी लांबणीवर टाकण्यासाठीचा त्यांचा हा आणखी एक प्रयत्न म्हणून याकडे पाहिले जात आहे. 

दरम्यान, माझ्या आधीच्या वकिलांनी दिशाभूल केल्याने सर्व कायदेशीर उपाय पुन्हा एकदा वापरण्याचा हक्क द्यावा, अशी विनंती करणारी निर्भया प्रकरणातील दोषी मुकेशसिंह याची याचिका सर्वोच्च न्यायालयाने आज फेटाळून लावली. या प्रकरणातील चार दोषींपैकी मुकेशसिंह एक आहे. मुकेशसिंह याच्या फेरविचार आणि दुरुस्ती याचिका पूर्वीच फेटाळल्या असल्याने त्याची नवी याचिका मान्य करण्यासारखी नाही, असे न्यायालयाने सांगितले. वकिलांनी प्रथमपासूनच दिशाभूल केल्याने सर्वोच्च न्यायालयाने आतापर्यंत दिलेले सर्व आदेश आणि राष्ट्रपतींनी दया याचिका फेटाळण्याचा घेतलेला निर्णय रद्द करून पुन्हा सर्व हक्क द्यावेत, अशी मागणी मुकेशसिंहने केली होती. तसेच, आपल्याविरोधात केंद्र सरकार, दिल्ली सरकार आणि वकिलांनी कटकारस्थान केले असल्याने या प्रकरणाची सीबीआय चौकशी करावी, अशी मागणीही त्याने केली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com