सुकेश अन् अभिनेत्रींची भेट घालून देणारी पिंकी अटकेत; मोबदल्यात सुकेशकडून घ्यायची तगडी रक्कम..

नवी दिल्ली - सुकेश चंद्रशेखर यांच्या मनी लाँड्रिंग प्रकरणातील आरोपी पिंकी इराणी हिला आज दिल्ली पोलिसांच्या आर्थिक गुन्हे शाखेने अटक करून दिल्लीच्या पतियाळा हाऊस कोर्टात हजर केले. न्यायालयाने पिंकी इराणी हिला तीन दिवसांची पोलिस कोठडी सुनावली. (pinky irani arrested in sukesh chandrasekhar money laundering case )

दिल्ली पोलिसांनी दिलेल्या माहितीनुसार, पिंकी इराणीनेच जॅकलिन फर्नांडिस आणि इतर अभिनेत्रींची सुकेश चंद्रशेखरसोबत ओळख करून दिली होती. त्याबदल्यात तिला सुकेशकडून मोठी रक्कम मिळत होती. पिंकी, सुकेशसाठी मॉडेल्स आणि अभिनेत्रींशी संपर्क साधत असे आणि त्यांना सुकेशला भेटायला किंवा फोनवर बोलण्यास सांगत असे.

सूत्रांच्या माहितीनुसार, सुकेश चंद्रशेखर यांच्या वतीने पिंकी अभिनेत्रींना भेटवस्तूही देत असे. सुकेशच्या पैशातून ती अभिनेत्रींसाठी महागड्या भेटवस्तूही विकत घेत असे.

या प्रकरणात आतापर्यंत जॅकलिन फर्नांडिस आणि नोरा फतेही यांच्या अनेकदा ईडीकडून चौकशी करण्यात आली आहे. तसेच तिला न्यायालयातही उपस्थित राहावं लागलं आहे.

हेही भारतीय उत्पादनांच्या खरेदीतली वाढ बनवेल देशाला आर्थिक महासत्ता...