PM Narendra Modi: अधिवेशन विजयोत्सवाचे; पंतप्रधान मोदी, देशहितासाठी सर्वांनी एकत्र येण्याचे आवाहन

नवी दिल्ली : ‘‘संसदेचे पावसाळी अधिवेशन हे राष्ट्रगौरव आणि विजयोत्सवाचे अधिवेशन आहे. ‘ऑपरेशन सिंदूर’दरम्यान देशाने ऐक्याची ताकद अनुभवली आहे. .विजयोत्सवाचे हे पर्व पावसाळी अधिवेशनात त्याच भावनेतून प्रकट होईल आणि देशाच्या सैन्यशक्तीचा गौरव करेल असा विश्वास आज पंतप्रधान नरेंद्र मोदी यांनी व्यक्त केला,’’ संसदेच्या पावसाळी अधिवेशनाच्या पार्श्वभूमीवर पंतप्रधान मोदी यांनी संसदभवनवाच्या आवारात आज माध्यमांशी संवाद साधला..देशातील विविध राजकीय पक्षांच्या भूमिका वेगळ्या असल्या आणि पक्षहितावरुन मतभिन्नता असली तरी देशहितासाठी सर्वांनी एकत्र यावे, असे असे आवाहन पंतप्रधान मोदी यांनी केले. ‘‘भारताची सैन्य शक्ती आणि सामर्थ्य संपूर्ण जगाने पाहिले आहे. .लष्कराच्या ‘मेड इन इंडिया’च्या या नव्या स्वरूपामुळे भारतात तयार होत असलेल्या शस्त्रास्त्रांकडे जगाचे लक्ष वेधले जात आहे,’’ असे प्रतिपादनही पंतप्रधान मोदी यांनी केले. भारताचा हा विजयोत्सव संसद जितक्या उत्कटपणे साजरा करले तितके भारताच्या संरक्षण दलांना बळ मिळेल. .Pune Bridge Damage : चाकण औद्योगिक पट्ट्यातील वाहतूक धोक्यात; दगडी पूल खचल्यामुळे मोठ्या अपघाताचा धोका निर्माण.लष्करी क्षेत्रात होत असलेले संशोधन, नवोन्मेष, उत्पादन आणि संरक्षण उपकरणांना बळ मिळेल आणि भारताच्या तरुणांसाठी रोजगाराच्या नव्या संधी निर्माण करेल, असेही ते म्हणाले. संरक्षण क्षेत्रात आत्मनिर्भर होण्याच्या या प्रयत्नांना संसदेत सर्व खासदारांनी बळ द्यावे, असे आवाहनही पंतप्रधान मोदी यांनी यावेळी केले..राज्यघटना विजयी‘‘बॉम्ब, बंदुका आणि पिस्तुलांविरोधातील लढ्यात देशाची राज्यघटना विजयी होत आहे, याचा अभिमान आहे. गेल्या दहा वर्षांत शांती आणि प्रगती खांद्याला खांदा लावून वाटचाल करीत आहे. स्वातंत्र्योत्तर काळापासून देश दहशतवाद आणि नक्षलवादासारख्या अनेक प्रकारच्या हिंसक घटनांचा बळी ठरला होता. मात्र, आज नक्षलवाद वेगाने कमी होत आहे. देशातील शेकडो जिल्हे नक्षलवादापासून मुक्त होऊन मोकळा श्वास घेत आहेत,’’ असे प्रतिपादन मोदी यांनी यावेळी बोलताना केले..राज्यसभेत पाच सदस्यांचा शपथविधीपावसाळी अधिवेशनाच्या पहिल्या दिवशी आज राज्यसभेत बीरेंद्रप्रसाद बैश्य (आगप, आसाम), कणाद पुरकायस्थ (भाजप, आसाम), डॉ. मीनाक्षी जैन (नामनियुक्त दिल्ली), सी. सदानंदन मास्टर (नामनियुक्त, केरळ) आणि हर्षवर्धन श्रृंगला (नामनियुक्त, सिक्कीम) यांनी राज्यसभा सदस्यत्वाची शपथ घेतली. राष्ट्रपती नियुक्त चौथे सदस्य उज्ज्वल निकम मात्र आज अनुपस्थित होते..‘अवकाश स्थानकात तिरंगा अभिमानास्पद’आंतरराष्ट्रीय अवकाश स्थानकावर तिरंगा फडकवला जाणे हा क्षण प्रत्येक देशवासीयांसाठी अभिमानाचा आहे. अंतराळात भारताला नव्या उंचीवर पोहोचविणाऱ्या भावी कार्यक्रमांसाठीही हा क्षण प्रेरक ठरेल. संसदेच्या या अधिवेशनात हे गौरवगान प्रत्येक खासदाराकडून आणि पक्षाकडून देश ऐकेल, अशी आशा पंतप्रधान नरेंद्र मोदी यांनी व्यक्त केली. .पाणीसाठा तिप्पट पंतप्रधान मोदी यांनी यंदाच्या माॅन्सूनच्या वाटचालीवर समाधान व्यक्त केले. गेल्या दहा वर्षांत देशातील पाण्याचा साठा तिप्पट झाला असून त्याचा देशाच्या अर्थव्यवस्थेला भरपूर लाभ होईल, असे ते म्हणाले..खासदारांचे कौतुक‘ऑपरेशन सिंदूर’मध्ये भारताच्या सैन्याने दहशतवाद्यांच्या आश्रयदात्यांची घरे अवघ्या २२ मिनिटांच्या आत जमीनदोस्त करीत निर्धारित शंभर टक्के लक्ष्य साध्य केले, असे पंतप्रधान मोदी यांनी सांगितले. देशहितासाठी जगभरातील देशांत जाऊन दहशतवादी आणि त्यांच्या आश्रयदात्या देशाकडे जगाचे वेधून पाकिस्तानचा खरा चेहरा उघडा करणाऱ्या विविध पक्षांची आणि खासदारांचेही पंतप्रधानांनी यावेळी कौतुक केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

PM Narendra Modi: अधिवेशन विजयोत्सवाचे; पंतप्रधान मोदी, देशहितासाठी सर्वांनी एकत्र येण्याचे आवाहन

Related Stories