पंजाबच्या सनौरचे आमदार हरमीत सिंह पठानमाजरा यांनी पोलिस कोठडीतून सनसनाटी पलायन करत सर्वांना चकित केले आहे. हरियाणातील कुरुक्षेत्र येथून अटक झालेल्या या आमदाराने स्थानिक पोलिस ठाण्याकडे नेत असताना पोलिसांवर गोळीबार केला. या हल्ल्यात एक पोलिस कर्मचारी जखमी झाला असून, पठानमाजरा स्कॉर्पिओ गाडीतून फरार झाले आहेत. या घटनेने पंजाबच्या राजकीय वर्तुळात खळबळ उडाली आहे.