दिल्ली विधानसभा निवडणूक 2020 : नवी दिल्ली : दिल्ली विधानसभा निवडणुकीत आपचा विजय झाला. या विजयामुळे मला वैयक्तिकरित्या आश्चर्य वाटत नाही. हा विजय निश्चित होताच. यापूर्वी इतर काही राज्यात भाजपचा पराभव झाला होता. त्यानंतर आता दिल्लीतही पराभव झाला आहे. त्यामुळे आता भाजपच्या पराभवाची मालिकाच सुरु झाली आहे, असे राष्ट्रवादी काँग्रेसचे अध्यक्ष शरद पवार यांनी आज (मंगळवार) सांगितले.
दिल्ली विधानसभा निवडणुकीचे निकाल समोर येत आहेत. यामध्ये आम आदमी पक्षाला सर्वाधिक जागा मिळाल्या आहेत. त्यावर प्रतिक्रिया देताना शरद पवार म्हणाले, दिल्लीमध्ये करोलबाग येथे मराठी भाषिक आहे. दिल्ली सरकारने पाणीपट्टी कमी केली. मुलांना शिस्तीचे आणि सक्तीच्या शिक्षणाची सोय केली. तसेच दिल्ली देशाच्या इतर शहरापेक्षा वेगळी आहे. दिल्लीचा निर्णय हा दिल्लीपूरता मर्यादित नाही. आपचा या निवडणुकीत विजय होणार होता आणि तो झाला. या विजयामुळे आश्चर्य वाटत नाही.
दहशतीविरुद्ध लोकांची मतं
अहंकार जो होतो त्याविरोधात जनता व्यक्त झाली आहे. संसदेतील सदस्य आणि सर्वांमध्ये जी नाराजी आहे आणि हीच नाराजी आता निकालातून समोर येत आहे. दिल्लीसह अनेक राज्यात भाजपचा पराभव होत आहे. आता पराभवाची मालिका सुरु झाली आहे. दहशतीविरूद्ध लोकांनी मतं दिली.
धार्मिक कटूता वाढेल असे काम
धार्मिक कटूता वाढेल असे काम भाजपने केले आहे. मारा, गोळ्या घाला, मर्यादा सोडून घोषणा देण्याचा त्यांनी प्रयत्न केला. भाजपचा पराभव होणार हे निश्चित होते. आता ही मालिका आहे थांबणार नाही.
भाजप ही आपत्ती
भाजप ही एकप्रकारची आपत्तीच आहे. ती काहीही करून आपण घालवली पाहिजे. दहशतीच्या वातावरणामुळे भाजपचा पराभव झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
