रामजन्मभूमी पूजनासाठी संत महात्मे होणार सहभागी; अशी असेल तयारी

अयोध्या - राम मंदिराच्या भूमिपूजनाच्या कार्यक्रम भव्य स्वरूपात करण्यासाठी जय्यत तयार सुरू असून यात आयोजनात बदल करण्यात आला आहे. भूमिपूजनाला उपस्थित राहणारे संत- महात्मे आणि अन्य प्रमुख व्यक्तींसाठी बैठकीसाठी कार्यक्रमस्थळी दोन मांडव उभारण्यात येणार आहेत. यामुळे तेथे आता सांस्कृतिक विभागातर्फे आयोजित केले जाणारे प्रदर्शन रद्द करण्यात आले आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कार्यक्रमस्थळी ६०० पाहुण्यांच्या बैठकीची व्यवस्था असेल. सुरक्षित अंतराचा नियम पाळत मांडवात खुर्च्या ठेवण्यात येणार आहे. भूमिपूजन कार्यक्रमासाठी आधी केवळ २०० लोकांची व्यवस्था होती. विविध आखाडे, मठ व मंदिरांच्या संत-महात्म्यांना या कार्यक्रमात सहभागी होता येणार नसल्याने त्यांनी नाराजी व्यक्त केली होती. अशा प्रकारे उपेक्षा केली जात असल्याची तक्रार त्यांनी केल्यानेच नियोजनात बदल करण्यात आला आहे.

भूमिपूजनासाठी...

• छोटे व्यासपीठ उभारणार.
• पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ, सरसंघचालक मोहन भागवत आदींची व्यासपीठावर उपस्थिती.
• मोदी सकाळी ११ वाजून १५ मिनिटांनी येणार. 
• आगमनानंतर प्रथम अस्थायी मंदिरात दर्शन करणार. हनुमान गढीला भेट देऊन नंतर आयोजन स्थळी पोचतील.
• घाटांवर व मंदिरात दीपोत्सव साजरा करणार.

Edited By - Prashant Patil