Uttar Pradesh Assembly : विधानसभेत गुटख्याची ‘रंगपंचमी’, विधानसभा अध्यक्षांनी आमदारांना झापले; पावित्र्य जपण्याचे आवाहन

लखनौ : लोकशाहीचे मंदिर असलेल्या विधानसभागृहात पान खाऊन थुंकण्याचा प्रकार उघडकीस आला असून विधानसभेचे अध्यक्ष सतीश महाना यांनी सर्व आमदारांना झापले व सभागृहाचे पावित्र्य जपण्याचे आवाहन केले. .उत्तर प्रदेशच्या(यूपी) विधानसभेच्या मुख्य प्रवेशद्वाराच्या कारपेटवर कोणीतरी पान मसाला थुंकल्याची खबर विधानसभा अध्यक्ष सतीश महाना यांना लागली. त्यांनी घटनास्थळी भेट दिली असता गुटखा खावून तेथे थुंकल्याचे आढळून आले. शिवाय कोणीतरी फरशीवर तर कोणी भिंतीवर पिचकाऱ्या मारलेल्या आढळून आल्या. यावेळी त्यांनी सफाई कर्मचाऱ्यांना पाचारण केले आणि स्वच्छता करण्याची सूचना दिली. त्यानंतर ते विधानसभेत दाखल झाले..ते म्हणाले, सभागृहात गुटखा खावून तेथेच थुंकले जात असल्याचे मला आज सकाळी कळाले. मी तेथे गेलो आणि साफसफाई केली. मी थुंकणारे सीसीटीव्ही कॅमेरात पाहिले आहेत. मी व्यक्तिशः: कोणाचाही अपमान करू इच्छित नाही. त्यामुळे त्यांचे नाव घेत नाही. ते म्हणाले, भविष्यात असे कृत्य कोणी करत असेल तर आपल्या सहकाऱ्याला वेळीच रोखा. माझे म्हणणे लक्षात घ्या. .विधानसभा हे आपल्या सर्वांचे आहे. हे केवळ अध्यक्षाचे सभागृह नाही. सभागृहाचे पावित्र्य राखणे आणि स्वच्छ ठेवण्याची जबाबदारी ४०३ सदस्यांची आहे. उत्तर प्रदेशची २५ कोटी जनतेची विधानसभा आहे. त्यामुळे ती चांगली ठेवणे आपली जबाबदारी आहे. दोषीचे नाव सांगणार नाही. त्यांनी स्वत: हून चूक मान्य करावी, अन्यथा मला तुम्हाला बोलवावे लागेल..दरम्यान विधानसभेचा व्हिडिओ सोशल मीडियावर व्हायरल झाल्यानंतर अनेक प्रकारच्या प्रतिक्रिया उमटत आहेत. यापुढे सभागृहात थुंकणारा आमदारच त्याची स्वच्छता करेल, असे नेटिझन्स म्हणत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.