'फक्त भाषण करण्यासाठी शिवरायांचं नाव वापरलं जातं'

नवी दिल्ली - कर्नाटकातील बंगळुरु येथे छत्रपती शिवाजी महाराज (Chhatrapati Shivaji Maharaj) यांच्या पुतळ्याची विटंबना करण्याचा प्रकार घडला. यानंतर राज्यातील अनेक ठिकणांहून या घटनेचा जाहीर निषेध करण्यात आला आहे. यावर राज्यातील नेत्यांनीही प्रतिक्रिया दिल्या आहेत. दरम्यान, या मुद्द्यावरून शिवसेना खासदार अरविंद सावंत यांनी भाजपला टोला लगावला आहे. मी लोकसभेत निदर्शनं करूनही केंद्र सरकार याची दखल घेत नाहीत. भाजपाच्या नेत्यांकडून फक्त भाषण करण्यासाठी छत्रपती शिवाजी महाराजांचे नाव वापरले जाते, असा खोचक टोला त्यांनी लगावला आहे. आज ते दिल्लीत बोलत होते.

यावेळी कर्नाटकातील बंगळुरु येथील घटनेविषयी ते म्हणाले, मी लोकसभेत निदर्शनं करूनही केंद्र सरकार याची दखल घेत नाहीत. भाजपाच्या नेत्यांकडून फक्त भाषण करण्यासाठी छत्रपती शिवाजी महाराजांचे नाव वापरले जाते. छत्रपती शिवाजी महाराजांचे आशीर्वाद भाजपसोबत होते त्याचं पुढं काय झालं? देशाच आराध्य दैवत असलेल्या महाराजांचा अपमान होतो त्या वेळेला तुम्ही शांत का बसता? असा सवाल त्यांनी उपस्थित केला आहे. महाराष्ट्रात आमचे सरकार म्हणून भगवद्गीतेचं त्रांगड आमच्यावर टाकल जातं. गोपाळ शेट्टी यांनी पंतप्रधान नरेंद्र मोदी यांना भगवद्गीता शिकवण्या संदर्भात सांगाव, अशी प्रतिक्रिया देत त्यांनी गोपाल शेट्टी यांना खोचक चिमटा काढला आहे.