नवी दिल्ली : मराठीतील नामवंत समीक्षक सुधीर रसाळ यांना आज साहित्य क्षेत्रातील प्रतिष्ठेचा साहित्य अकादमी पुरस्कार जाहीर झाला आहे. तर, कोकणी भाषेतील निबंध साहित्य प्रकारासाठी मुकेश थळी यांना या पुरस्काराने गौरविले जाणार आहे. मराठी, कोकणीसह २१ भाषांसाठी २०२४ या वर्षासाठीच्या साहित्य पुरस्कारांची घोषणा अकादमीतर्फे करण्यात आली. बांगला, डोगरी आणि उर्दू या तीन भाषांमधील पुरस्कार विजेत्यांची नावे साहित्य अकादमीतर्फे नंतर जाहीर करण्यात येतील.
