BBC IT Survey : 55 तासांमध्ये नेमकं काय तपासलं? बीबीसी मुंबई कार्यालयातला सर्व्हे संपला

BBC IT Survey
BBC IT Survey esakal

मुंबई : ब्रिटिश ब्रॉडकास्टिंग कॉर्पोरेशन (बीबीसी) या जगातील सर्वात मोठ्या प्रसारण संस्थेच्या भारतातील कार्यालयांचं इन्कम टॅक्स विभागाकडून कर सर्व्हेक्षण करण्यात आलं. यामुळं देशभरात खळबळ उडाली आहे.

मुंबई आणि दिल्लीतील बीबीसीच्या कार्यालयामध्ये आयकर विभागाचे अधिकारी (Income Tax Department) मंगळवारी सर्व्हे करण्यासाठी गेले. आयटीच्या अधिकाऱ्यांनी कार्यालयावर अचानक जात कार्यालयातील अनेक पत्रकारांचे फोन ताब्यात घेतले होते.

हेही वाचा : अल्पमतातील निवाडे आणि सामान्य माणूस

आता बीबीसीच्या मुंबई कार्यालयातील सर्वेक्षण संपलं आहे. तब्बल ५५ तासानंतर हे सर्वेक्षण संपलं आहे. यावेळी आयटी विभागाने कागदपत्र, पेनड्राईव्ह हस्तगत केले आहेत. एवढ्या कालावधीमध्ये नेमकं काय तपासलं? आणि हाताशी काय लागलं? याबाबत बाहेर माहिती मिळालेली नाही.

BBC IT Survey
Girish Bapat : नाकाला ऑक्सिजन ट्यूब, बोटावर पल्स मीटर... व्हीलचेअरवर बसून गिरीश बापट प्रचारात

काही दिवसांपूर्वी बीबीसी या प्रसारण संस्थेनं पंतप्रधान नरेंद्र मोदी यांच्यावरील एक डॉक्युमेंट्री युट्यूबवर रिलीज केली होती. यानंतर भारत सरकारनं ती तातडीनं हटवली होती. या डॉक्युमेंट्रीतून बीबीसीनं भारताच्या पंतप्रधानांची प्रतिमा मलिन केल्याचा आरोप केला होता. पण अभिव्यक्ती स्वातंत्र्याची गळचेपी केल्याचा मुद्दा उपस्थित करत सरकारच्या या कृतीवर देशभरातून सरकारवर टीकेची झोड उठली होती.

''आम्ही भारतातील बीबीसीच्या कार्यालयात केलेल्या कर सर्वेक्षणाच्या अहवालांचे बारकाईने निरीक्षण करत आहोत'' असं युकेच्या सरकारी सुत्रांनी म्हटलं आहे. एएनआयनं याबाबत वृत्त दिलं आहे. बीबीसीच्या दिल्ली आणि मुंबई इथल्या कार्यालयांवर मंगळवारी सकाळी अचानक सर्व्हेक्षण करण्यात आलं. आता मुंबई कार्यालयातील सर्वेक्षण आटोपलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com