नवी दिल्ली - लोकसभेतील विरोधी पक्षनेते राहुल गांधी यांनी ‘इंडिया’ आघाडीच्या बैठकीसाठी दिलेले निमंत्रण स्वीकारत शिवसेना (उद्धव बाळासाहेब ठाकरे) पक्षाचे पक्षप्रमुख उद्धव ठाकरे येत्या सहा ऑगस्ट रोजी दिल्लीला येणार आहेत..खासदार संजय राऊत यांनी सोमवारी ही माहिती दिली. राहुल गांधी यांच्या ५, सुनहरी बाग या निवासस्थानी ‘इंडिया’ आघाडीची सात ऑगस्ट रोजी सायंकाळी सात वाजता बैठक होणार आहे.‘राहुल गांधी यांनी ‘इंडिया’ आघाडीतील नेत्यांशी स्वतः संपर्क साधून या बैठकीचे निमंत्रण दिले आहे. त्यांनी उद्धव ठाकरे यांच्याशीही दूरध्वनीवरून किमान तीन ते चारवेळा संवाद साधून बैठकीला येण्यासाठी त्यांना आग्रह केला. त्यानुसार उद्धव ठाकरे सहा ऑगस्ट रोजी दुपारनंतर दिल्लीत दाखल होणार असून आठ ऑगस्टपर्यंत ते दिल्लीत मुक्काम करतील..तर गडकरींना सलाम - राऊत‘केंद्रीय रस्ते परिवहन व महामार्ग मंत्री नितीन गडकरी यांनी जवाहरलाल नेहरू आणि महात्मा गांधी यांची प्रशंसा केली असेल तर, त्यात काहीही गैर नाही. केंद्रातील सरकार आणि भाजपमध्ये सर्वांत समजूतदार मंत्री नितीन गडकरीच आहेत..नेहरूंचे नाव घेतल्याबद्दल त्यांच्यावर कारवाई तर होणार नाही ना, अशी शंका मला वाटते. गडकरींनी नेहरू-गांधींचे योगदान मान्य केले असेल तर त्यांचे अभिनंदन करून त्यांच्या समजूतदारपणाला सलाम करतो,’ असे यावेळी बोलताना राऊत म्हणाले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
