Union Budget 2023: मध्यमवर्गीयांसाठी खूशखबर! आता सात लाखांपर्यंत इन्कम टॅक्स नाही; अर्थमंत्र्यांची घोषणा

Union Budget 2023 : केंद्रीय अर्थमंत्री निर्मला सीतारामण यांनी मध्यमवर्गीयांसाठी मोठी घोषणा केली आहे. त्यानुसार, आता सात लाख रुपयांपर्यंतच्या उत्पन्नावर इन्कम टॅक्स भरावा लागणार नाही. यापूर्वी ही मर्यादा ५ लाख रुपये होती. त्याचबरोबर निर्मला सीतारामण यांनी नव्या टॅक्स लॅबमध्ये देखील मोठा दिलासा दिला आहे.

टॅक्स स्लॅबमध्ये बदल

नव्या कर रचनेनुसार आता 5 स्लॅब असणार आहेत. याची सुरुवात २.५ लाखांपासून सुरु होणार आहे. यापूर्वी या कर प्रणालीत 6 स्लॅब होते. यामध्ये आता तीन लाखांपर्यंतच्या उत्पन्नावर कोणताही कर असणार नाही.

अशी असेल नवी कर रचना

सीतारामण यांच्या घोषणेनुसार, वैयक्तिक टॅक्स स्लॅबमध्ये बदल करण्यात आले आहेत. त्यानुसार, ०-३ लाखांपर्यंत कोणताही कर असणार नाही. त्यानंतर ३-६ लाखांपर्यंत ५ टक्के तर ६-९ लाखांपर्यंत १० टक्के, ९-१२ लाखांपर्यंत १५ टक्के त्यानंतर १२-१५ लाखांसाठी २० टक्के आणि १५ लाखांच्यावर ३० टक्के कर भरावा लागणार आहे.