UPSC CSE 2024: लोकसभा निवडणुकीमुळे UPSC परीक्षा पुढे ढकलल्या, 26 मे पासून होणार होत्या परीक्षा, पाहा नोटीस

UPSC CSE 2024: केंद्रीय लोकसेवा आयोग (UPSC) ने UPSC CSE 2024 प्रिलिम्स परीक्षा पुढे ढकलली आहे. ही परीक्षा 26 मे रोजी होणार होती. लोकसभा निवडणुकीमुळे आयोगाने परीक्षा पुढे ढकलली आहे. वास्तविक, लोकसभा निवडणुकीची तारीख आणि UPSC CSE 2024 प्रिलिम्स परीक्षेची तारीख सारखीच आली होती. त्यामुळे परीक्षा पुढे ढकलण्याचा निर्णय घेण्यात आला आहे. आयोगाने अधिसूचना जारी करून ही माहिती दिली आहे.

UPSC CSE 2024 प्रिलिम्स परीक्षा आता कधी घेतली जाईल?

परीक्षा पुढे ढकलल्यानंतर आयोगाने नवीन तारीखही जाहीर केली आहे. UPSC CSE 2024 प्रिलिम्स परीक्षा आता 16 जून 2024 रोजी घेतली जाईल. तर UPSC CSE 2024 ची मुख्य परीक्षा 20 सप्टेंबर ते 05 सप्टेंबर 2024 या कालावधीत घेतली जाईल. UPSC CSE 2024 साठी अर्ज करण्याची अंतिम तारीख 6 मार्च 2024 होती. अर्जातील दुरुस्तीसाठी 7 मार्च ते 13 मार्च 2024 ही मुदत देण्यात आली होती. UPSS पूर्व परीक्षेसाठी एकूण 80 केंद्रे घेतली जातील आणि मुख्य परीक्षा एकूण 24 केंद्रांवर घेतली जाईल.

केंद्रीय निवडणूक आयोगाने गेल्या शुक्रवारी लोकसभा निवडणुकीसाठी तारखा जाहीर केल्या. लोकसभा निवडणुका 19 एप्रिल ते 1 जून या दरम्यान सात टप्प्यात होत आहे. तर निकाल 4 जूनला जाहीर होतील. त्यामुळे या दरम्यान UPSC च्या होणाऱ्या परिक्षा स्थगित करण्यात आल्या आहेत.

UPSC ने CSE परीक्षेसाठी एकूण 1,056 जागा आणि भारतीय वन सेवेसाठी (IFoS) 150 रिक्त जागा जाहीर केल्या आहेत. UPSC CSE साठी पात्र अर्जदारांचे मूल्यमापन प्राथमिक, मुख्य आणि व्यक्तिमत्व चाचणी या तीन टप्प्यांवर आधारित असेल. UPSC CSE च्या प्राथमिक परीक्षेत वस्तुनिष्ठ प्रकारचे प्रश्न असतील. निर्दिष्ट कट-ऑफ गुणांपेक्षा जास्त गुण मिळवणारे इच्छुक UPSC CSE मुख्य परीक्षा 2024 साठी नोंदणी करण्यास पात्र ठरतील. अधिक तपशिलांसाठी उमेदवारांना UPSC वेबसाइटवर लक्ष ठेवण्याचा सल्ला दिला जातो. (Latest Marathi News)