सबस्क्राईब करा
UP Election Result: उत्तर प्रदेशात आश्चर्यकारक निकालाचे खर कारण आता समोर आलं आहे. उत्तर प्रदेश लोकसभा निवडणुकीत अनेक प्रकारे धक्कादायक होते. भाजपला मोठा फटका बसल तर समाजवादी पक्ष राज्यातील सर्वात मोठा पक्ष म्हणून उदयास आला. नोटा मतदानाचा देखील भाजपला फटका बसला. यामध्ये अनेक ठिकाणी असे उमेदवार होते ज्यांना जिंकून येण्यासाठी लागणाऱ्या मतदानापेक्षा नोटाला अधिक मते पडली.
NOTA बटण दाबणाऱ्या मतदारांनी कोणत्याही एका पक्षाला मतदान केले असते तर या जागांवर होणाऱ्या निवडणुकीचा निकाल बदलू शकला असता. राज्यात लोकसभेच्या पाच जागा अशा होत्या जिथे कोणत्याही उमेदवाराच्या विजयाचे अंतर NOTA ला मिळालेल्या मतांपेक्षा कमी होते.
धौरहरा लोकसभेत विजयाचे अंतर 4449 होते तर नोटाला 7144 मते पडली. या जागेवरून समाजवादी पक्षाचे आनंद भदौरिया विजयी झाले आहेत. फारुखाबाद लोकसभेत विजयाचे अंतर 2678 होते, तर NOTA वर 4365 मते पडली असून या जागेवरून भाजपचे मुकेश राजपूत विजयी झाले आहेत. हमीरपूर लोकसभेत विजयाचे अंतर 2629 होते, तर NOTA वर 13453 मते पडली होती.
फुलपूर लोकसभा मतदारसंघात विजयाचे अंतर 4332 होते, तर नोटाला 5460 मते मिळाली. या जागेवरून भाजपचे प्रवीण पेटल विजयी झाले. सलेमपूर लोकसभा मतदारसंघात विजयासाठी 3573 मतांचे अंतर होते. याठिकाणी नोटाला 7549 मते पडली.
उत्तर प्रदेशात अशा अनेत जागा आहेत जिथे 10 हजारापेक्षा जास्त मतदान नोटाला झाले आहे.
रॉबर्टगंज - 19,032
झाशी – 15,302
मिर्झापूर – 15,049
कैसरगंज-14,887
हमीरपूर - 13,453
बांदा - 13,235
कौशांबी – 12,967
बहराइच – 12964
जालौन – 11154
गौतम बुद्ध नगर - 10,324
देवरिया - 10,212
भदोही – 11,229
ईव्हीएम मशिनमधील नोटा बटणाचा अर्थ 'नन ऑफ द अबोव्ह' म्हणजेच यापैकी काहीही नाही. जेव्हा मतदार कोणत्याही राजकीय पक्षाचा उमेदवार पसंत करत नाही आणि दुसऱ्याला मत देऊ इच्छितो तेव्हा निवडणुकीच्या वेळी NOTA बटण दाबले जाते. पण पर्याय नसल्यामुळे ते NOTA दाबत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.