गुवाहाटी/ एजोल : आसाममध्ये चक्रीवादळ आणि मुसळधार पावसामुळे हाहा:कार उडाला. या पावसाचा आणि चक्रीवादळाचा सुमारे लाखांच्या आसपास नागरिकांना फटका बसला आहे. गेल्या तीन दिवसांत आसाममधील २२ जिल्ह्यात किमान २० जणांचा मृत्यू झाला आहे. तसेच मिझोरामच्या कोलासिब आणि मामित जिल्ह्यांत मुसळधार पाऊस आणि चक्रीवादळामुळे एका चर्चच्या इमारतीसह २०० हून घरांची हानी झाली आहे.
मिझोरामधील या दोन जिल्ह्यांत शनिवारी रात्री चक्रीवादळाने धडक दिली. कोलासिब जिल्ह्यात सुमारे २२० घरांची पडझड झाली आणि एका चर्चचे नुकसान झाले आहे. तसेच आसाम सीमेलगत असलेल्या मामित जिल्ह्यात १८ घरांची हानी झाली. आसाममध्ये देखील चक्रीवादळ आणि वीज पडण्याच्या घटना घडल्या आहेत. यात तीन दिवसांत किमान २० जणांचा मृत्यू झाला आहे. आसाम राज्य आपत्ती व्यवस्थापन प्राधिकरणचे मुख्य कार्यकारी अधिकारी जी.डी. त्रिपाठी यांनी म्हटले की, तीन दिवसांत म्हणजे १४ एप्रिल ते १७ एप्रिल या काळात २२ जिल्ह्यात १४१० गावात ८० महसूल मंडळात चक्रीवादळाने नुकसान झाले आहे. ९५ हजार २३९ नागरिकांना फटका बसला आहे. यादरम्यान वीज पडल्याने २० जणांचा मृत्यू झाला आहे. यात मार्चचा शेवटचा आठवडा ते १७ एप्रिलपर्यंत १९ जणांचा मृत्यू झाला आहे. या चक्रीवादळात ३०११ घरांची हानी झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.