Narendra Modi: देशाच्या उज्ज्वल भविष्यासाठी मोदींचे ११ महत्त्वाकांक्षी संकल्प; फायद्यासाठी राज्यघटना बदलल्याचा काँग्रेसवर आरोप

नवी दिल्लीः पंतप्रधान नरेंद्र मोदी यांनी शनिवारी लोकसभेत राज्यघटनेवरील चर्चेचा समारोप करताना केलेल्या भाषणात देशासाठी ११ संकल्प जाहीर केले. यावेळी त्यांनी काँग्रेसवर सडकून टीका करत संविधानाबद्दल आदर असल्याचं नमूद केलं. पंडित जवाहरलाल नेहरु, इंदिरा गांधी यांच्या धोरणांवर मोदींनी टीका केली..पंतप्रधानांचे ११ संकल्प१. सर्वांची समान जबाबदारी, मग ते सरकार असो की नागरीक२. सबका साथ, सबका विकास३. भ्रष्टाचाराबाबत झिरो टॉलरन्स४. देशाच्या कायद्यांबाबत आपण अभिमान बाळगला पाहिजे आणि त्यांचं पालन केलं पाहिजे.५. भारतची उज्ज्वल परंपरा आणि संस्कृतीचा अभिमान बाळगला पाहिजे६. घराणेशाहीपासून राजकारणाची मुक्तता७. संविधानचा सन्मान सर्वांनी केला पाहिजे आणि संविधानाला हत्यार म्हणून वापरता कामा नये८. धर्माच्या आधारावर आरक्षण नाही, हा संविधानाचा गाभा जिवंत राहिला पाहिजे९. महिलांचा सर्वांगिण विकास. यामध्ये भारताने जागतिक स्तरावर अग्रेसर असलं पाहिजे१०. राज्याचा विकास ते देशाचा विकास हे धोरण११. एक भारत, श्रेष्ठ भारतया सर्व तत्वांचं देशवासियांनी पालन करावं. त्यामुळे २०४७ मध्ये विकसित भारताचे आपले स्वप्न पूर्ण होईल, असंही मोदींनी सांगितलं..काँग्रेसवर घणाघात... ‘‘ काँग्रेसने भारताच्या राज्यघटनेला राजकारणाचे हत्यार बनविले. सत्तेच्या सुखासाठी आणि भुकेसाठी काँग्रेसने ७५ वेळा राज्यघटनेत बदल केले. त्याउलट भाजपने उज्ज्वल भविष्यासाठी राज्यघटनेत दुरुस्त्या करून देशाचे ऐक्य मजबूत केले,’’ असे प्रतिपादन पंतप्रधान नरेंद्र मोदी यांनी आज लोकसभेत राज्यघटनेवरील चर्चेचा समारोप करताना दिले..नेहरुंवर आरोपदेशाचे पहिले पंतप्रधान पंडित जवाहरलाल नेहरू यांच्यापासून डॉ. मनमोहनसिंग यांच्यापर्यंत काँग्रेसने राज्यघटनेचा सातत्याने अपमान केला. जे आपल्याच पक्षाची घटना स्वीकारत नाही. ते देशाची राज्यघटना कशी स्वीकारतील? राज्यघटनेला पायदळी तुडवून देशावर आणीबाणी लादणाऱ्या काँग्रेसच्या कपाळावरील कलंक कधीच पुसला जाणार नाही, अशा शब्दांत मोदी यांनी विरोधकांना धारेवर धरले..सत्तेसाठी राज्यघटनेचा वापरआरक्षणाविरोधात नेहरूंनी मुख्यमंत्र्यांना पत्रे लिहिली आणि संसदेत दीर्घ भाषणे केली. अनेक दशके मंडल आयोगाचा अहवाल लागू करू दिला नाही. काँग्रेस सत्तेतून गेल्यानंतरच ओबीसींना आरक्षण मिळाले. वेळीच आरक्षण मिळाले असते तर आज अनेक ओबीसी मोठ्या पदांवर देशाची सेवा करताना दिसले असते. सत्तेच्या सुखासाठी आणि भुकेसाठी काँग्रेसने राज्यघटनेच्या भावनेच्या विपरीत धर्मावर आधारित आरक्षण देण्याचा खेळ केल्याचा आरोप पंतप्रधानांनी केला.काँग्रेसने उलट देशाचे ऐक्य मजबूत करण्यासाठी, देशाच्या उज्ज्वल भविष्यासाठी, महिलांच्या सक्षमीकरणासाठी, ओबीसींच्या सन्मानासाठी, समाजातील वंचितांसाठी राज्यघटनेत दुरुस्त्या केल्या. नव्या शैक्षणिक धोरणात मातृभाषेला महत्त्व दिले. आता मातृभाषेत शिकून डॉक्टर आणि इंजिनिअर होणे शक्य झाले आहे. अभिजात भाषांमध्ये मराठीसह पाच भाषांना स्थान दिले असे पंतप्रधान मोदी म्हणाले..''धार्मिक आधारवर बनलेले कायदे नकोत''धार्मिक आधारावर बनलेले खासगी कायदे संपविण्याचा डॉ. आंबेडकर यांनी जोरदार पुरस्कार केला होता. देशात समान नागरी कायदा लागू करावा असे सर्वोच्च न्यायालयाने अनेकदा म्हटले आहे. तीच भावना लक्षात घेऊन आम्ही धर्मनिरपेक्ष नागरी संहिता आणण्याचा प्रयत्न करीत आहोत असेही पंतप्रधान म्हणाले. आपल्यासारख्या सामान्य कुटुंबातील अनेक लोक राज्यघटनेच्या सामर्थ्यामुळे येथवर पोहोचू शकले. तीनवेळा पंतप्रधान होण्याचा मान राज्यघटनेशिवाय शक्य नव्हता अशी कृतज्ञता त्यांनी व्यक्त केली..विविधतेमध्ये एकतालोकशाही पूर्वीपासूनच आमच्या संस्कृतीतच असल्याचे सांगताना पंतप्रधान मोदी यांनी पी.डी. टंडन, डॉ. राधाकृष्णन आणि डॉ. बाबासाहेब आंबेडकर या तीन महापुरुषांच्या विधानांचा दाखला दिला. आम्ही विविधतेतील एकतेचा उत्सव साजरा करतो. पण गुलामीच्या मानसिकतेत वाढलेल्या लोकांना विविधतेत विरोधाभास शोधून त्यात विष पेरण्याचा प्रयत्न केला. देशाच्या ऐक्याच्या मूळभावनेवर प्रहार केला जात होता. या ऐक्यातील अडसर ठरलेल्या कलम ३७० ची भिंत आम्ही मोडून काढली असेही त्यांनी नमूद केले..मोदी म्हणाले...- काँग्रेसच्या एका कुटुंबाकडून राज्यघटनेवर हल्ला- मागच्या दाराने अध्यादेश काढून राज्यघटनेत बदल केला- काँग्रेसने तब्बल ७५ वेळा राज्यघटनेमध्ये बदल केला- पहिल्या पंतप्रधानांनी पेरलेल्या बिजाला इंदिराजींचे खतपाणी- सर्वोच्च न्यायालयाचे १९७१ साली सगळे अधिकार हिरावले- इंदिराजींनी खुर्ची वाचविण्यासाठी लोकांचे अधिकार हिसकावले.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

PM Modi On Nana Patekar : 'त्यांनी कधीच संकोच बाळगला नाही...'; नानांच्या निधनानंतर पंतप्रधान मोदींचे शब्द चर्चेत, म्हणाले...

Narendra Modi : पंतप्रधान नरेंद्र मोदींची नवी घोषणा, २०४७ पर्यंत ठेवले टार्गेट; म्हणाले हम करके दिखाएंगे...

पंतप्रधान मोदींकडे सोनं, जमीन, पैसा किती? त्यांच्या नेटवर्थबाबत जाणून घ्या