नवी दिल्ली - नवी दिल्ली: राष्ट्रपती द्रौपदी मुर्मू यांनी कर्नाटकातील बिदरचे शाह रशीद अहमद कादरी यांना पद्मश्री देऊन सन्मानित केले. यावेळी त्यांनी पंतप्रधान नरेंद्र मोदींना सांगितले की, यूपीएमध्ये पद्म सन्मान मिळेल असे वाटले होते, पण ते मिळाले नाही. तर भाजप सरकारकडून आपल्याला अपेक्षा नव्हती.
दरम्यान भाजपकडून आपल्या अपेक्षा नसल्याने आपण गप्प बसलो होतो. पण ते चुकीचे सिद्ध झाले, असं सांगत त्यांनी पुरस्काराबद्दल त्यांनी पंतप्रधान मोदींचे आभार मानले.
शाह रशीद अहमद कादरी यांनी पंतप्रधान मोदींना सांगितले की, मी पाच वर्षे वाट पाहिली पण पद्मश्रीचा सन्मान मिळाला नाही. त्यानंतर भाजप सरकारमध्ये मला पद्म पुरस्कार मिळणार नाही, असे समजून मी गप्प बसलो. पण तुम्ही माझे विचार चुकीचे ठरवले. त्याबद्दल तुमचे खूप खूप आभार."
शाह रशीद अहमद कादरी हे बिद्री कलेत अनेक नवीन नमुने आणि डिझाइन सादर करण्यासाठी ओळखले जातात. बिद्री ही एक लोककला आहे ज्याची पारंपारिक निर्मिती कर्नाटकातील बिदर शहरापासून सुरू झाली. पुढे हळूहळू ही कला तेलंगणा आणि आंध्र प्रदेशात पसरली.
या कलेचे जन्मस्थान असलेल्या बिदर गावाच्या नावावरून बिद्री कलेचे नाव ठेवण्यात आले आहे. ही पारंपारिक शिल्पकला आहे. यामध्ये जस्त, तांबे, चांदी यांसारख्या धातूंचा वापर करून हस्तकला तयार केली जाते. हा अतिशय गुंतागुंतीचा कलाप्रकार आहे.
राष्ट्रपती द्रौपदी मुर्मू यांनी आज ५३ जणांना पद्म पुरस्कारांचे वितरण केले. राष्ट्रपती भवनात झालेल्या एका कार्यक्रमात त्यांनी अनेक मान्यवरांना पद्म पुरस्कार प्रदान केले. समाजवादी पक्षाचे संस्थापक मुलायमसिंह यादव यांना मरणोत्तर पद्मविभूषण पुरस्काराने सन्मानित करण्यात आले. प्रसिद्ध वैद्य दिलीप महालनाबिस यांनाही मरणोत्तर पद्मविभूषण पुरस्काराने सन्मानित करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
