इंग्रजी शिका : Journey to English Language

शैलेश बर्गे
Thursday, 9 January 2020

एखाद्या गोष्टीचे महत्त्व पटले किंवा समजले, की ती गोष्ट कशी करायची हे समजणे तुलनेने सोपे जाते आणि मग ती न करण्याची कारणेसुद्धा द्यावी लागत नाहीत. (कारण आपल्याला एखादी गोष्ट करायचीच असेल तर आपण कोणतेही कारण सांगत नाही. कारण सांगत असू तर ती गोष्ट आपल्याला करायचीच नसते.

एखाद्या गोष्टीचे महत्त्व पटले किंवा समजले, की ती गोष्ट कशी करायची हे समजणे तुलनेने सोपे जाते आणि मग ती न करण्याची कारणेसुद्धा द्यावी लागत नाहीत. (कारण आपल्याला एखादी गोष्ट करायचीच असेल तर आपण कोणतेही कारण सांगत नाही. कारण सांगत असू तर ती गोष्ट आपल्याला करायचीच नसते. बरोबर ना? असो)
यश मिळवायचे असते तेव्हा आपण आधी पक्के केलेले असते, की आपल्याला नक्की काय मिळवायचे आहे. आता आपले उद्दिष्ट नक्कीच पक्के झाले असून ते आहे, ‘To communicate in English like a confident native speaker."

ताज्या बातम्यांसाठी डाऊनलोड करा ई-सकाळचे ऍप

या उद्दिष्ट प्राप्तीसाठीच्या मार्गावरील milestones आता आपण पाहू या. 
तुमच्या मातृभाषेचेच उदाहरण घेऊन पाहू या. तुमची मातृभाषा मराठी असेल तर आठवा बरे, तुम्ही अ-अननस, आ-आगगाडी आधी शिकलात की त्या आधी मराठी भाषेतील बरंच काही शिकलेला होता? 

माझ्या अंदाजाने तुमची मराठी भाषेची आगगाडी जेव्हा सुरू होत होती, त्या वेळी तुम्हाला मराठीतील, तुमच्या मातृभाषेतील शेकडो शब्द अर्थासहित, विविध उपसर्गासहित, अनेक व्याकरणाच्या नियमासहित माहिती होते. बरोबर ना? कारण एकच! कारण तुम्ही तुमच्या मातृभाषेची सुरुवात लिहिण्यापासून नाही, बोलण्यापासून सुद्धा नाही, तर ती ऐकण्यापासून केली होती!  

‘माझा मराठीची बोलू कौतुके। परि अमृताचेहि पैजासी जिंके’ अशी महती असलेली मराठी भाषा तुम्ही बोलू शकत असाल, तर जगातील कोणतीही भाषा सहज शिकू शकाल आणि बोलूही शकाल; यावर सर्वांत प्रथम विश्‍वास ठेवा. 

पुढच्या लेखात आपल्या इंग्लिश भाषेच्या प्रवासाचा पहिलावहिला आणि महत्त्वाचा Milestone, जो आहे Listening, याकडे वाटचाल करूया.

1) कोणत्याही भाषेवर प्रभुत्व मिळवण्यासाठी त्या भाषेतील भाषिक कौशल्ये आत्मसात करणे आवश्यक असते. इतर भाषांप्रमाणे इंग्लिश भाषेमधील LSRW; Listening, Speaking, Reading, and Writing ही कौशल्ये आत्मसात केल्यानंतर आपल्याला सर्वसमावेशक असे संवादाचे कौशल्य आत्मसात करणे सहज शक्य होऊ शकते. हेच आहेत आपल्या उद्दिष्ट प्राप्तीसाठीच्या मार्गावरील milestones!

2) आठवा बरं! इंग्लिश भाषेची आणि तुमची झालेली पहिली भेट! आठवतेय का? माझ्याप्रमाणे किती जणांची भेट ‘A’ for Apple आणि ‘B’ for Ball अशी झाली आहे कोणास ठाऊक! एखाद्याची अजिबात ओळख नसताना उगाचच एकतर्फी ओळख वाढविण्याचा प्रयत्न केल्यासारखा वाटतो ना! 

3) Skills अर्थात कौशल्य म्हणताना आपण LSRW हा क्रम लक्षात घेत आहोत, खरे तर कोणतीही भाषा शिकताना हाच क्रम अगदी नैसर्गिक आणि सहजप्रवृत्तीचा वाटतो.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: article shailesh barge on Journey to English Language