CISCE Result : ‘सीआयएससीई’च्या दहावी-बारावीचा निकाल उद्या होणार जाहीर; 'येथे' बघा रिझल्ट

पुणे : कौन्सिल फॉर द इंडियन स्कूल सर्टिफिकेट एक्झामिनेशन बोर्डाच्या (सीआयएससीई) वतीने इयत्ता दहावी (आयसीएसई) आणि बारावी (आयएससी) परीक्षांचा निकाल सोमवारी (ता. ६) सकाळी अकरा वाजता जाहीर करण्यात येणार आहे.

बोर्डाच्या ‘https://cisce.org’ आणि ‘https://results.cisce.org’ या संकेतस्थळावर विद्यार्थ्यांचा निकाल पाहता येणार आहे. निकालाची प्रिंटआउट देखील घेता येणार आहे.

विद्यार्थ्यांच्या ‘डिजीलॉकर’मध्येही निकाल पाहता येणार आहे. डिजीलॉकरच्या साहाय्याने निकाल पाहण्यासाठी ‘https://results.digilocker.gov.in’ या संकेतस्थळाला भेट द्यावी. विद्यार्थ्यांच्या उत्तरपत्रिकांची पुन्हा तपासणी करायची असल्यास सीआयएससीई अधिकृत संकेतस्थळावर ‘पब्लिक सर्व्हिसेस’ या टॅबमध्ये जाऊन अर्ज करावा. उत्तरपत्रिकांची पुन्हा तपासणी करण्यासाठी १० मे पर्यंत अर्ज करता येणार आहे, अशी माहिती बोर्डाने दिली आहे.