पुणे - इयत्ता अकरावीच्या प्रवेश प्रक्रियेतील तिसऱ्या नियमित फेरीची गुणवत्ता यादी आणि निवड यादी माध्यमिक व उच्च माध्यमिक शिक्षण विभागाने कोणतीही पूर्वसूचना न देता अचानकपणे गुरुवारी रात्री उशिरा जाहीर केली..शिक्षण विभागाने दिलेल्या नियोजित वेळापत्रकानुसार ही गुणवत्ता यादी शुक्रवारी (ता. २५) जाहीर होणे अपेक्षित होते. दरम्यान, या निवड फेरीमध्ये राज्यातील एक लाख ११ हजार २३५ विद्यार्थ्यांना प्रवेशासाठी महाविद्यालय देण्यात आले आहे.संपूर्ण राज्यात २०२५-२६ या शैक्षणिक वर्षापासून इयत्ता अकरावीचे प्रवेश केंद्रीय ऑनलाईन पध्दतीने करण्यात येत आहेत. अकरावीच्या ऑनलाईन प्रवेश प्रक्रियेच्या नियमित फेरी एक आणि दोनमध्ये सात लाख २० हजार ६६६ विद्यार्थ्यांनी कनिष्ठ महाविद्यालयात प्रवेश निश्चित केला आहे. या प्रवेश प्रक्रियेसाठी एकूण १४ लाख २९ हजार २३४ विद्यार्थ्यांनी नोंदणी केली आहे..तिसऱ्या नियमित फेरीत १३ हजार ६२१ विद्यार्थ्यांनी नवीन नोंदणी केली. कॅप प्रवेशासाठी चार लाख १० हजार ४९८ विद्यार्थ्यांनी अर्जाचा भाग दोन (कनिष्ठ महाविद्यालयांचे पसंतीक्रम) भरला आहे. तसेच ८२ हजार ९५२ विद्यार्थ्यांनी अर्जाचा भाग दोन (कनिष्ठ महाविद्यालयांचे पसंतीक्रम) कोटा अंतर्गत (अल्पसंख्यांक, इन-हाऊस, व्यवस्थापन) प्रवेशासाठी भरला आहे..तिसऱ्या नियमित फेरीमध्ये निवड झालेल्या विद्यार्थ्यांना आता शुक्रवारी ( ता. २५) आणि शनिवारी (ता. २६) महाविद्यालयात जाऊन प्रवेश निश्चित करावा लागणार आहे, असे माध्यमिक व उच्च माध्यमिक शिक्षण विभागाचे संचालक डॉ. महेश पालकर यांनी सांगितले आहे.तिसऱ्या नियमित फेरीतील शाखानिहाय महाविद्यालय मिळालेल्या विद्यार्थ्यांची संख्या:शाखा: विद्यार्थी संख्याकला : २०,९६३वाणिज्य : ३३,५०५विज्ञान: ५६,७६७एकूण : १,११,२३५.चौथ्या नियमित फेरीचे वेळापत्रक जाहीरतपशील : कालावधी- नविन नोंदणी, पहिल्या फेरी दरम्यान भरलेल्या भाग-१ मध्ये दुरुस्ती करणे तसेच अद्यावत माहिती भरणे, अर्ज-भाग एक आणि दोन भरणे, कनिष्ठ महाविद्यालयांचे पसंतीक्रम देणे, कॅप आणि कोटा अंतर्गत प्रवेश अर्ज एक आणि दोन लॉक करणे : २८ ते २९ जुलै- विद्यार्थ्यांनी प्रत्यक्ष कनिष्ठ महाविद्यालयात जाऊन आपला प्रवेश निश्चित करणे : १ ते २ ऑगस्टइयत्ता अकरावीच्या प्रवेशाचे अधिकृत संकेतस्थळ : https://mahafyjcadmissions.in.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
