Government Job : आयटीआय उत्तीर्णांसाठी ITBPमध्ये नोकरीची संधी

मुंबई : इंडो तिबेट बॉर्डर पोलिस (ITBP) ने कॉन्स्टेबल पदांच्या भरतीसाठी ऑनलाइन अर्ज प्रक्रिया सुरू केली आहे. या भरतीद्वारे एकूण २८७ पदे भरली जातील. ज्या उमेदवारांना या पदांसाठी भरतीची इच्छा आहे ते अधिकृत वेबसाइट recruitment.itbpolice.nic.in वर जाऊन अर्ज भरू शकतात. अर्ज करणाऱ्या उमेदवारांनी नोंद घ्यावी की अर्ज करण्याची अंतिम तारीख 22 डिसेंबर 2022 आहे. (ITBP Vacancy 2022)

रिक्त जागांचा तपशील

एकूण पदे - 287

महत्वाची तारीख

ऑनलाइन अर्ज करण्याची तारीख - 23 नोव्हेंबर 2022

अर्ज करण्याची शेवटची तारीख - 22 डिसेंबर 2022

शैक्षणिक पात्रता

अर्ज करणाऱ्या उमेदवारांकडे 10वी उत्तीर्ण, मान्यताप्राप्त संस्थेचे ITI आणि डिप्लोमा प्रमाणपत्र असणे आवश्यक आहे.

वय मर्यादा

कॉन्स्टेबल पदांसाठी अर्ज करू इच्छिणाऱ्या उमेदवारांचे वय 18 ते 25 वर्षे दरम्यान असावे. राखीव प्रवर्गातील उमेदवारांना वयात सवलत दिली जाईल.

निवड प्रक्रिया

निवडलेल्या उमेदवारांना शारीरिक चाचणी, लेखी चाचणी, वैद्यकीय परीक्षा इत्यादींना सामोरे जावे लागेल.

पगार

जे उमेदवार निवडले जातील, त्यांना 21,700 ते 69,100 रुपये वेतन दिले जाईल.

अर्ज शुल्क

सर्वसाधारण श्रेणीतील उमेदवारांना अर्ज शुल्क म्हणून १०० रुपये भरावे लागतील, तर अनुसूचित जाती, जमाती आणि महिला उमेदवारांना कोणतेही अर्ज शुल्क भरावे लागणार नाही.