पोस्टात नोकरीची मोठी संधी! 7 व्या वेतन आयोगांतर्गत मिळणार 'इतका' पगार

India Post Recruitment 2021 : पोस्ट विभागात नोकरी (India Post Jobs) मिळवण्याची मोठी संधी उपलब्ध झालीय. टपाल विभाग, नवी दिल्ली यांच्यातर्फे कुशल कारागीर, सामान्य केंद्रीय सेवा ग्रेड C व इतर पदांच्या भरतीसाठी नुकतीच अधिसूचना जारी करण्यात आलीय. दरम्यान, पात्र उमेदवार 11 डिसेंबर 2021 रोजी किंवा त्यापूर्वी सायंकाळी 5 वाजेपर्यंत ऑनलाइन अर्ज सादर करू शकतात.

या भरती मोहिमेंतर्गत (Dak vibhag Bharti 2021) मोटर वाहन मेकॅनिक, मोटर वाहन इलेक्ट्रिशियन, टायरमन, पेंटर, फिटर, कॉपर अॅण्ड टिन स्मिट आणि अपहोल्स्टर या पदांवर भरती केली जाणार आहे. ऑनलाइन अर्ज करण्यासाठी उमेदवाराला अधिकृत वेबसाइटला indiapost.gov.in भेट द्यावी लागेल. तसेच अर्ज सादर करण्याची अंतिम तारीख 11 डिसेंबर 2021 पर्यंत आहे.

रिक्त पदांचा तपशील

• मोटर वाहन मेकॅनिक - 06 पदे

• मोटार वाहन इलेक्ट्रिशियन - 02 पदे

• टायरमन - 03 पदे

• पेंटर - 02 पदे

• फिटर - 02 पदे

• कॉपर अॅण्ड टिन स्मिट - 01 पद

• अपहोल्स्टर - 01 पद

इतका मिळेल पगार : पोस्टाच्या अधिसूचनेनुसार, भरतीमध्ये समाविष्ट असलेल्या रिक्त पदांवर नोकरी मिळवणाऱ्या उमेदवारांना 7 व्या वेतन आयोग (7th CPC) वेतन स्तर -2 अंतर्गत 19900 ते 63200 रुपयांपर्यंत वेतन दिलं जाईल.

कोण करू शकतो अर्ज?

Delhi Post Office च्या सूचनेनुसार, उमेदवारांना शैक्षणिक पात्रता, वयोमर्यादा, अर्जाचे स्वरूप यासह इतर महत्वाच्या माहितीसाठी तपशीलवार अधिसूचनेची प्रतीक्षा करावी लागेल. अधिसूचना लवकरच इंडिया पोस्टच्या अधिकृत वेबसाइटवर प्रसिद्ध केली जाईल.