करिअर वेध : फ्रंटफूट आणि बॅकफूट

विनायक द्रविड, करिअर मार्गदर्शक व ट्रेनर

या भूतलावर प्रत्येक माणूस वेगळा आहे, असे म्हटले जाते आणि ते शंभर टक्के खरे आहे. देवाने प्रत्येक माणसाला वेगळे बनविले आहे. प्रत्येकाचा स्वभाव वेगळा, देहबोली वेगळी, स्वभाव वेगळा, आहार वेगळा, संस्कार वेगळे, शरीरयष्टी वेगळी. कोणी खूप शांत, कोणी खूप तापट स्वभावाचा कोणी थंड कोणी भडक इत्यादी. या विविध गुणदोषांमुळे प्रत्येक माणूस समोरच्याशी कसे वर्तन करतो ते ठरते. अनेकदा असे पाहायला मिळते की, काही लोक कायम आग्रही, चिडलेले आणि वरच्या पट्टीत बोलतात त्यांना आपण कायम फ्रंटफूटवर आलेली लोकं असे म्हणायला हरकत नाही. याउलट काहींचा स्वभाव खूप शांत, मवाळ आणि कोणाच्या अध्यात ना मध्यात असा असतो. त्यांना बॅकफूटवरची माणसं म्हणायला हरकत नाही. खरे तर फ्रंटफूट आणि बॅकफूट हे दोन्ही क्रिकेटमधले स्ट्रोक्स आहेत. परंतु याचा अर्थ आपल्या रोजच्या जीवनाशीही तितकाच निगडित आहे. कसे ते पाहूयात.