HSC Result : बारावीचा निकाल जाहीर, 99.63 टक्के विद्यार्थी उत्तीर्ण

Maharashtra HSC Result 2021: महाराष्ट्र राज्य माध्यमिक व उच्च माध्यमिक शिक्षण मंडळाचा (HSC Result 2021) बारावीचा निकाल लागला आहे. राज्याचा बारावीचा निकाल 99.63 टक्के लागल्याची माहिती, बोर्डाकडून देण्यात आली आहे. दुपारी चार वाजता विद्यार्थांना प्रत्याक्षात निकाल पाहाता येणार आहे. विज्ञान शाखेचा निकाल 99.45 टक्के, कला शाखेचा निकाल 99.83 टक्के, वाणिज्य शाखेचा निकाल 99.91 टक्के लागला आहे.

दहावीप्रमाणेच बारावीचा निकाल विक्रमी लागला आहे. राज्यातील ४६ विद्यार्थ्यांना १०० टक्के गुण मिळाले आहेत. तर ० टक्के निकाल लागलेल्या महाविद्यालयांची संख्या यंदा एकही नाही. गतवर्षीप्रमाणे निकालात कोकण विभागाने बाजी मारली आहे....

निकालाची विभागवार टक्केवारी

१) कोकण : ९९.८१

२) मुंबई : ९९.७९

३) पुणे : ९९.७५

४) कोल्हापूर : ९९.६७

५) लातूर : ९९.६५

६) नागपूर : ९९.६२

७) नाशिक : ९९.६१

८) अमरावती : ९९.३७

९) औरंगाबाद : ९९.३४

निकाल पाहण्यासाठी लिंक

१) https://hscresult.11thadmission.org.in

२) https://msbshse.co.in

३) hscresult.mkcl.org

४) mahresult.nic.in

आक्षेप, तक्रारी विभागीय मंडळाकडे नोंदवा

सुधारित मूल्यमापन कार्यपद्धतीनुसार जाहीर केलेल्या बारावीच्या निकालाबाबत विद्यार्थ्यांचे आक्षेप, तक्रारी नोंदविण्यासाठी आणि त्यांचे निराकरणासाठी राज्य मंडळामार्फत संबंधित विभागीय मंडळ स्तरावर तक्रार निवारण अधिकाऱ्यांची नियुक्ती केली आहे. यासाठी विभागीय मंडळातील विभागीय सहसचिव हे तक्रार निवारण अधिकारी म्हणून काम पाहतील. संबंधित विद्यार्थी आपला तक्रार अर्ज टपाल, ई-मेल किंवा व्यक्तिशः भेटून संबंधित अधिकाऱ्यांकडे सादर करू शकतात. अर्जाचा नमुना ‘www.mahahsscboard.in’ या संकेतस्थळावर उपलब्ध आहे. तक्रार निवारण अधिकारी कार्यालयीन कामाच्या दहा दिवसांत अर्ज निकाल काढून विद्यार्थ्यांच्या तक्रारीचे निवारण करतील. विद्यार्थ्यांना उत्तराबाबत काही अडचणी असल्यास त्यांनी संबंधित विभागीय मंडळातील विभागीय सचिव, विभागीय अध्यक्ष यांच्याशी संपर्क साधावा, असे आवाहन राज्य मंडळाने केले आहे.