मानसवेध : अहंकाराचा त्याग...!

डॉ. विद्याधर बापट, मानसतज्ज्ञ

अहंकारी व्यक्तींना अनेक शारीरिक व मनोकायिक व्याधी जडू शकतात उदा. रक्तदाब, निद्रानाश, पचनाच्या तक्रारी, प्रतिकार शक्ती कमी होणं, विस्मरण, एकाग्रता कमी होणं वगैरे. महत्त्वाचं म्हणजे शांत, स्वस्थ होत जाण्यासाठी आवश्‍यक अशी मनाची स्थिरता प्राप्त होऊ शकत नाही. अशी माणसं बहुतांशी आतून असुरक्षित असतात. व्यक्तीचा अहंकार बळकट होत जातो तसतसा तो त्याच्या सर्व सकारात्मक क्षमता, सृजनात्मक क्षमता आणि मुख्य म्हणजे wisdom, सारासार विचार करण्याची क्षमता, बुद्धिमत्ता यावर निळ्या स्वच्छ आकाशावर मळभ पसरावं तसा पसरत जातो.