MPSC Exam : राज्यसेवा पूर्व परीक्षा 2021 अर्जासाठी मुदतवाढ

मुंबई : काही दिवसांपूर्वी महाराष्ट्र लोकसेवा आयोगाने (MPSC) राज्यसेवा पूर्व परीक्षा 2021 ची जाहिरात प्रसिद्ध केली होती. त्यामध्ये पूर्व परीक्षा दिनांक 2 जानेवारी, 2022 रोजी व मुख्य परीक्षा दिनांक 7, 8 व 9 मे, 2022 रोजी आयोजित करण्यात येईल, अशी माहिती महाराष्ट्र लोकसेवा आयोगाने दिली होती.

दरम्यान राज्य सेवा परीक्षा 2021 अंतर्गत 390 पदांसाठी प्रक्रिया सुरु असून त्यासाठी अर्ज दाखल करण्याची 25 ऑक्टोबरपर्यंत मुदत होती. मात्र आता एमपीएससी नवीन जाहीरात प्रसीध्द झालू असून यामध्ये परीक्षा अर्ज दाखल करण्यासाठी मुदतवाढ देण्यात आली आहे. आता उमेदवार राज्य सेवा पूर्व परीक्षेसाठी 31ऑक्टोबरपर्यंत अर्ज दाखल करु शकणार आहेत. 390 पदांसाठी 2 जानेवारी 2022 ला MPSC कडून राज्य सेवा पूर्व परीक्षा आयोजित केली जाईल. MPSC च्या नवीन जाहिरात क्रमांक 106/2021 नुसार राज्यसेवा पूर्व परीक्षा 2021 करीता अर्ज सादर करण्यास दिनांक 31 ऑक्टोबर 2021 रोजी 23:59 वाजेपर्यंत मुदतवाढ मिळाली आहे.