MPSC Mobile App: उमेदवारांसाठी आयोगाने सुरू केलं मोबाईल अॅप

MPSC Mobile App: महाराष्ट्र लोकसेवा आयोगाने उमेदवारांसाठी आपले मोबाईल अॅप सुरू केले आहे. त्यामुळे विद्यार्थांना आणि उमेदवारांना फायदा होणार आहे. गुगल प्ले स्टोअर वर हे अॅप नि:शुल्क उपलब्ध आहे. यासंदर्भातील माहिती आयोगाने प्रसिद्धीपत्रक काढून दिली आहे. त्याचबरोबर अॅप डाऊनलोड करण्यासाठी क्यूआर कोडही दिला आहे.

(MPSC Mobile App News)

महाराष्ट्र लोकसेवा आयोगाकडून आयोजित केलेल्या विविध भरती परिक्षांची माहिती उमेदवारांना सुलभरित्या मिळावी यासाठी आयोगाने हे अॅप सुरू केलं आहे. यामुळे उमेदवारांना विविध परिक्षांची माहिती सुलभरित्या मिळणार आहे. हे अॅप अॅन्ड्रॉईड मोबाईलवरील प्ले स्टोअरवर मोफत उपलब्ध आहे. MPSC असं या अॅपचं नाव असून त्यासाठी क्यूआर कोड किंवा प्ले स्टोअरवरून डाऊनलोड करू शकता अशी माहिती आयोगाने दिली आहे.