Pune News : महाराष्ट्र लोकसेवा आयोगाकडून (एमपीएससी) राजपत्रित नागरी सेवा संयुक्त पूर्व परीक्षेचे अंदाजे २८ एप्रिल रोजी घेण्यात येणार आहे. त्यासाठीची जाहिरात जानेवारी महिन्यात प्रसिद्ध केली जाईल. तर राज्यसेवा मुख्य परीक्षा १४ ते १६ डिसेंबर या कालावधीत नियोजित आहे.
एमपीएससीकडून २०२४ मध्ये घेण्यात येणाऱ्या विविध स्पर्धा परीक्षांचे अंदाजित वेळापत्रक जाहीर करण्यात आले आहे. आयोगाकडून दरवर्षी नियोजित वेळापत्रक प्रसिद्ध केले जाते. स्पर्धा परीक्षांची तयारी करणाऱ्या विद्यार्थ्यांना अभ्यासाचे नियोजन करता यावे, यादृष्टीने आयोगाकडून काही महिने आधीच वेळापत्रक जाहीर करण्यात येते.
त्यानुसार पुढील वर्षी म्हणजे २०२४ मध्ये १६ परीक्षांचे नियोजन करण्यात आले आहे. त्यामध्ये दिवाणी न्यायाधीश कनिष्ठ स्तर व न्याय दंडाधिकारी प्रथम वर्ग परीक्षा, महाराष्ट्र अराजपत्रित गट-ब व गट-क सेवा संयुक्त परीक्षा आणि महाराष्ट्र राजपत्रित नागरी सेवा परीक्षांचा समावेश आहे.शासनाकडून संबंधित संवर्ग किंवा पदांसाठी विहित वेळेत मागणीपत्र प्राप्त होईल, या गृहितकाच्या आधारे अंदाजित वेळापत्रक प्रस्तावित करण्यात आले आहे.
शासनाकडून वेळेत मागणीपत्र प्राप्त झाल्यासच नियोजित महिन्यामध्ये वेळापत्रकाप्रमाणे परीक्षा घेणे शक्य होईल, असे आयोगाने स्पष्ट केले आहे. हे वेळापत्रक अंदाजित असून त्यामध्ये बदल होऊ शकतो. तसा बदल झाल्यास आयोगाच्या संकेतस्थळावर प्रसिद्ध करण्यात येईल, असे आयोगाने नमूद केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.