सबस्क्राईब करा
मुंबई : राज्यातील सरकारी, स्थानिक स्वराज्य संस्थांच्या शाळांमधील विद्यार्थ्यांना एकसमान गणवेश देण्यासाठी राज्यात ‘एक राज्य-एक गणवेश’ या योजनेची अंमलबजावणी करण्यासाठी शालेय शिक्षण विभागाने सोमवारी शासन आदेश जारी केला आहे; मात्र यात मागील धोरणातील निर्णय बदलण्यात आल्याने संभ्रम वाढण्याची चिन्हे निर्माण झाली आहेत.
नवीन आदेशाप्रमाणे आता सोमवार, बुधवार आणि शुक्रवारी नियमित गणवेश निश्चित करण्यात आला असून तर उर्वरित दिवशी म्हणजे मंगळवार, गुरुवार आणि शनिवारी हे तीन दिवस स्काऊट आणि गाईडचे गणवेश निश्चित करण्यात आले आहेत.
यामुळे येत्या काही दिवसांत गणवेशावरून वाद वाढण्याची शक्यता निर्माण झाली आहे. शाळा सुरू होण्यासाठी केवळ पाच दिवसांचा कालावधी उरलेला असताना अशा प्रकारच्या आदेशाची अंमलबजावणी जारी केल्याने यावर शिक्षणतज्ज्ञांकडून नाराजी व्यक्त करण्यात आली आहे.
गणवेशासंदर्भात निर्णय घेण्यासाठी शालेय शिक्षण विभागाकडून धोरणात अनेकदा बदल केले जात असल्याने संभ्रम निर्माण झाला आहे. लोकसभा निवडणुकीपूर्वी ‘एक राज्य एक गणवेश’ धोरण निश्चित करण्यात आले होते; मात्र आता पुन्हा धोरणात बदल करून तीन दिवस नियमित गणवेश आणि तीन दिवस स्काऊट- गाईडप्रमाणे गणवेश निश्चित करण्यात आले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.