संयम, सहनशक्ती आणि सातत्य

- डॉ. सचिन जैन, संस्थापक संचालक, एसकेवायआय कम्पोझिट प्रायव्हेट लिमिटेडयशस्वी भविष्यासाठी लांब पल्ल्याचा विचार करणे आवश्यक असते. कोणता मार्ग निवडायचा हे आपण दहावी-बारावीतच निश्चित करावे. विचारपूर्वक क्षेत्र निवडले म्हणजे पुढील पल्ले किती लांब आणि मोठे आहेत हे लक्षात येते. त्यासाठी संयम आणि सहनशक्ती दोघांचे सांगड घालावी लागते..ससा आणि कासवाची गोष्ट खूप वेळा ऐकली असेल, परंतु मला वाटते ससा असो वा कासव दोघांनाही कुठपर्यंत जायचे आहे, हे समजल्यास थोडा संयम ठेवत, मधूनमधून लहान थांबे घेत आपले लक्ष्य गाठता येते. तुम्ही स्वतःला कशा पद्धतीने तयार करता, तुमच्या शारीरिक, मानसिक आणि काम करण्याच्या शैलीत वेळेनुसार कुठले बदल घडविता यावर तुमचे यशाचे मूल्यमापन ठरते..मास्टर ब्लास्टर सचिन तेंडुलकर सुरुवातीला खूप आक्रमक खेळ करायचा, परंतु वेळेनुसार आणि वयानुरूप शारीरिक क्षमता वाढवीत त्याने संयम वाढवून दीर्घ खेळी करण्यास सुरुवात केली. बहुतांश फलंदाज निवृत्त होतात त्या वयात त्याने नवनवीन विक्रम स्थापित केले.एकदिवसीय क्रिकेटमध्ये २०० धावा करणारा पहिला खेळाडू ठरला तेही वयाच्या ३६व्या वर्षी. त्याही पुढे तो खेळू शकला कारण त्याने आपली तग धरण्याची क्षमताही त्याप्रमाणे हळूहळू वाढवली. सगळेच जण तेंडुलकर नसतात, परंतु त्याचा आदर्श समोर ठेवून तसे प्रयत्न केल्यास भविष्य उज्ज्वल होण्याची शक्यता नक्कीच वाढते..संयम आणि सहनशक्ती बरोबर सातत्याची जोड मिळाली तर अगदी सोने पे सुहागा. व्यावसायिक काम असो व अभ्यास - सातत्य असल्यास यश हमखास मिळते आणि तेही कमी प्रयत्नात. अनेकदा प्रतिभेची किंवा परिश्रम घेण्याची प्रचंड इच्छा असते, परंतु त्यात सातत्य नसल्यास परिश्रमाचे हवे तेवढे फलित होते नाही.तुम्ही व्यायामशाळेत स्नायूंच्या वाढीसाठी व्यायाम करत असाल तर २-३ महिन्यामध्ये तुमच्या शरीरातील चरबी कमी होऊन ती वाढ दिसायला लागते. कालांतराने व्यायाम अनियमित झाल्यास स्नायूंची झीज व्हायला लागते आणि पुन्हा कमकुवतपणा येतो. त्यामुळे सातत्याने नियमित व्यायाम करणे आवश्यक आहे..सातत्याने काम करण्याचे फळ योग्यच असते. तुम्ही सातत्याने पाठपुरवठा करत नाहीत तोपर्यंत कुठलाही प्रोजेक्ट किंवा संधी तुम्हाला मिळत नाही. दैनंदिन जीवनातील उदाहरण आहे, वारंवार पाठपुरवठा-मागणी केल्याशिवाय उसने दिलेले पैसे मिळत नाहीत मग बाकीच्या गोष्टींचे तर सोडाच..यासाठी संयम न सोडता, ग्राहक असो वा सहकारी, नातेवाईक त्यांच्याशी अपशब्द ना वापरता परंतु ठामपणे आपला मुद्दा ठेवून काम करून घेण्याची कला अंगी आणणे जरुरीचे आहे. या सगळ्यात आपली सहनशक्ती पणाला लागते.आयुष्यात या ३ एस ‘संयम, सहनशक्ती आणि सातत्य’चे खूप महत्त्व आहे. सातत्याने संयम राखून आपली क्षमता पाठवली तर क्षितिजापलीकडले शिखर गाठू शकतो..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

संयम, सहनशक्ती आणि सातत्य

Related Stories