- मिलिंद ढेरे, छायाचित्रकार
कॅमेरा प्रत्येकाच्या हातात असला, तरी सामान्य व्यक्तीने आणि अनुभवी छायाचित्रकाराने काढलेली छायाचित्रे पूर्णतः वेगळी असतात. असं का होतं? कारण, सामान्य माणसांसाठी जी ‘हौस’ असते, तो छायाचित्रकाराचा ‘ध्यास’ असतो! तो ध्यास घेण्यासाठी, तशी कलाकृती निर्माण करण्यासाठी फक्त तंत्रसाक्षर होणं गरजेचं नसतं, तर आवश्‍यक असतं स्वतःची दृष्टी विकसित करणं आणि सातत्याने काम करत राहणं. छायाचित्रण ही अवाह्यत सुरू राहणारी प्रक्रिया आहे.