JSPM : ‘जेएसपीएम’ला स्वयंअर्थसहाय्यित विद्यापीठ म्हणून मान्यता

पुणे - आरोग्यमंत्री तानाजी सावंत यांच्या जयवंत शिक्षण प्रसारक मंडळाला (जेएसपीएम) स्वयंअर्थसहाय्यित विद्यापीठ म्हणून मान्यता देण्याचा निर्णय घेण्यात आला आहे. मंत्रिमंडळाच्या गुरुवारी झालेल्या बैठकीत हा निर्णय घेण्यात आला. हे विद्यापीठ हवेली तालुक्यातील वाघोली येथे असणार आहे.

जेएसपीएम स्वयंअर्थसहाय्यित विद्यापीठाबाबत विधीमंडळात विधेयक सादर करण्यात येणार आहे. हे प्रस्तावित विद्यापीठ २०२३-२४ या शैक्षणिक वर्षापासून सुरू होणार असल्याची माहिती मंत्रालयातून देण्यात आली आहे. सावंत यांनी १९९८ मध्ये जयवंत शिक्षण प्रसारक मंडळाची स्थापना केली असून ते संस्थेचे संस्थापक सचिव आहेत. या मंडळाच्या शाळा तसेच विविध शाखांमध्ये शिक्षण देणारी महाविद्यालये आहेत. अभियांत्रिकी, औषधनिर्माणशास्त्र, व्यवस्थापन क्षेत्रात उच्च शिक्षण देण्याचे काम संस्था करत आहे. संस्थेचा पुण्यात ताथवडे, हडपसर, वाघोली, बावधन, नऱ्हे यांसह पुण्याबाहेर बार्शी येथे कॅम्पस आहे.