जाणून घ्या.. कशा पद्धतीने केली जाते 'नाेकरी देताे'च्या नावाखाली फसवणूक

सातारा : प्रत्येकजण नोकरीच्या शोधात असतो. बेरोजगार तसेच इतरत्र नोकरी करणारे लोकही चांगल्या नाेकरीच्या शाेर्धात असतात. नोकरी करणारे लोक पगार वाढीसाठी नवीन नाेकरी शोधत असता. बर्‍याच वेळा लोक इतर सुविधांसाठी नोकर्‍या बदलतात. पण बर्‍याच वेळा या प्रकरणात लोकांची फसवणूक होते. आजकाल नोकरीच्या नावाखाली बरीच फसवणूक होत आहे.

लोकांना नोकरी मिळवून देण्यासाठी आणि चांगल्या पगाराच्या आमिष दाखवून फसवणुक केली जाते. त्यानंतर त्यांना बँक खात्याचा तपशील किंवा क्रेडिट कार्ड / डेबिट कार्डचा तपशील विचारला जाताे. तपशील प्राप्त झाल्यानंतर, फसवणूक करणारे अख्खे बॅंक खातेच साफ करतात किंवा क्रेडिट कार्डसह पैसे लुटतात . थोडी सावधगिरी बाळगल्यास अशी फसवणूक टाळता येऊ शकते. आम्ही आपल्याला पाच मार्ग सांगत आहेत ज्याद्वारे आपण बनावट ऑफर सहज ओळखू शकता.

पैशाची विचारणा हाेणे

कोणत्याही कंपनीत नोकरीसाठी पैसे मागितले जात नाहीत किंवा विश्वसनीय जॉब पोर्टलही पैसे माग नाहीत. पण फसवणूक करणारे पैसे मागतात. बहुतेक लोक म्हणतात की तुम्हाला नोकरी मिळाल्यानंतर पैसे परत केले जातील. पण असं होत नाही. एकदा आपण पैसे दिल्यानंतर ते आपल्याशी कधीही संपर्क साधणार नाहीत आणि आपण त्यांच्याशी संपर्क साधू शकणार नाही.

क्रेडिट कार्ड / आधार / पॅन इत्यादींचा तपशीलांची विचारणा

आपली गोपनीय माहिती जसे की क्रेडिट कार्ड नंबर, कालबाह्यता तारीख, सीव्हीव्ही नंबर किंवा आधार कार्ड आणि पॅन कार्ड नंबर विचारतात. अशा परिस्थितीत हे लक्षात ठेवले पाहिजे की नोकरीसाठी कोणालाही आपल्या क्रेडिट कार्ड तपशीलांची माहिती देण्याची आवश्यकता नाही. आधार व पॅनकार्डाचा तपशीलदेखील विचारलाे जातो, जेव्हा तुम्ही कंपनीत मुलाखत देता. त्यानंतर, नियुक्तीपत्र देण्यापूर्वी कंपनीकडून  तपशील विचारला जाऊ शकतो. परंतु कोणत्याही तृतीय व्यक्तीला या तपशीलांची अजिबात गरज नाही. आपण आपल्या भरती कर्त्याव्यतिरिक्त इतरांनी विचारल्यास  तपशील देऊ नका.

सहज साेप्या पद्धतीने जाॅईनींग

कोणत्याही कंपनीत नोकरी मिळविण्यासाठी तुम्हाला एका निश्चित प्रक्रियेमधून जावे लागते. मुख्यतः परीक्षा आणि मुलाखत घेतली जाते. त्यानंतर नोकरीची ऑफर दिली जाते परंतु बनावट जॉब ऑफरमध्ये असे होत नाही. जर कोणी तुम्हांला थेट नाेकरीत सामील होण्यास सांगत असेल तर तुमची फसवणुक हाेत आहे 

अपेक्षापेक्षा जादा पगार

प्रत्येक नोकरी आणि भुमिकेनुसार पगार जवळजवळ निश्चित केला जातो. तुम्ही फ्रेशर असल्याने बर्‍याच कॉर्पोरेट जॉबमध्ये तुम्हाला दाेन  ते चार लाख रुपयांच्या ऑफर मिळू शकतात. जर कोणी तुम्हाला वार्षिक 12-15 लाखांचे वेतन पॅकेज ऑफर करत असेल तर याचा अर्थ असा आहे की तेथे काही तरी गडबड आहे.

जॉब पोर्टलच्या नावाखाली फसवणूक 

फसवणुक करणारे फार हुशार असतात. ते बनावट पोर्टल वापरतात, परंतु ते पोर्टल वास्तविक आणि विश्वासार्ह पोर्टलसारखे दिसेल. जसे की जॉब-offer@naukrioutlook.com आणि jobs@naukrioutlook.com. म्हणून जर नोकरीच्या ऑफर कधी आल्या तर कृपया पोर्टलवर लक्ष द्या.

Smokey Eyes सुंदर बनवायचे आहेत?, त्यासाठी या 6 स्टेप्सचा जरुर वापर करा