SET Exam : सहाय्यक प्राध्यापक पदाच्या पात्रतेसाठी रविवारी होणार ‘सेट’ परीक्षा

पुणे - सहाय्यक प्राध्यापक पदाची पात्रता परीक्षा (सेट) येत्या रविवारी (ता.२६) होणार आहे. या परीक्षेसाठी एक लाख १९ हजार ८१३ उमेदवारांनी अर्ज केला आहे. उमेदवारांना प्रवेशपत्र देखील उपलब्ध करून देण्यात आले असून महाराष्ट्र आणि गोवा येथील एकूण २६५ केंद्रांवर ही परीक्षा घेण्यात येणार आहे,’’ अशी माहिती ‘सेट’चे सदस्य सचिव आणि सावित्रीबाई फुले पुणे विद्यापीठाचे कुलसचिव डॉ. प्रफुल्ल पवार यांनी दिली आहे.

विद्यापीठ अनुदान आयोगाच्या यांच्या मान्यतेने राज्य शासनाच्या वतीने सावित्रीबाई फुले पुणे विद्यापीठाच्या सेट विभागातर्फे महाराष्ट्र व गोवा राज्यातील उमेदवारांसाठी राज्यस्तरीय पात्रता परीक्षा (सेट) आयोजित करण्यात येते. यंदाची ही ३८ वी परीक्षा आहे. या परीक्षेसाठीची  सर्व तयारी सेट विभागाकडून करण्यात आली आहे. उमेदवारांनी मूळ ओळखपत्र आणि परीक्षेचे प्रवेशपत्र सोबत आणावे, असे आवाहन सेट विभागाकडून करण्यात आले आहे. दिव्यांग उमेदवारांसाठी वेगळी आसनव्यवस्था करण्यात आली असल्याचेही डॉ. पवार यांनी सांगितले.