17 नंबर फॉर्म भरण्याची मुदत 'या' तारखेपर्यंत

नाशिक : इयत्ता दहावी (SSC) , बारावीच्‍या (HSC) फेब्रुवारी-मार्च २०२२ मध्ये होणाऱ्या उच्च परीक्षेस खासगीरित्या प्रविष्ट होणाऱ्या विद्यार्थ्यांना नावनोंदणी अर्ज (Form No. 17) ऑनलाईन भरावा लागणार आहे. याकरीता १२ ऑक्‍टोबरपर्यंत मुदत असेल. विद्यार्थ्यांनी अर्ज दाखल करण्याचे आवाहन महाराष्ट्र राज्य माध्यमिक व उच्च माध्यमिक शिक्षण मंडळाचे नाशिक विभागीय मंडळाचे सचिव राजेंद्र अहिरे यांनी केले आहे.

दहावी, बारावी परीक्षेकरीता नाव नोंदणी केलेल्‍या अर्जाची प्रत विद्यार्थ्यांनी काढून, १४ ऑक्‍टोबरपर्यंत शुल्क व कागदपत्रांसह अर्जावर नमूद केलेल्या संपर्क केंद्र, शाळा/कनिष्ठ महाविद्यालयांत जमा करायची आहे. तसेच संबंधित संपर्क केंद्र शाळा व कनिष्ठ महाविद्यालयांनी त्यांच्याकडे प्राप्त सर्व अर्ज यादी व शुल्कासह १८ ऑक्‍टोबरपर्यंत विभागीय मंडळात जमा करायचे आहेत. विद्यार्थ्यांनी ऑनलाइन अर्जासंदर्भातील माहितीसाठी www.sscboardnashik.com या संकेतस्थळाला भेट द्यायची आहे. मराठी व इंग्रजीमधून सुचना व माहितीपत्रक संकेतस्‍थळावर उपलब्‍ध आहेत. दहावीसाठी अर्ज भरण्यासाठी http://form17.mh-ssc.ac.in आणि बारावीसाठी अर्ज भरण्यासाठी http://form17.mh-hsc.ac.in याप्रमाणे संकेतस्थळ उपलब्ध आहे.

...असे आहे शुल्‍क

दहावीच्या खासगी विद्यार्थ्यांसाठी नावनोंदणी शुल्क एक हजार रुपये व प्रक्रिया शुल्क शंभर रुपये आहे. बारावीसाठी खासगी विद्यार्थ्यांसाठी नावनोंदणी शुल्क पाचशे रुपये व प्रक्रिया शुल्क शंभर रुपये आहे, असेही श्री. राजेंद्र अहिरे यांनी कळविले आहे.