स्टाफ नर्स भरती परीक्षेचे Admit Card जारी

UPPSC Staff Nurse Admit Card 2021 : उत्तर प्रदेश लोकसेवा आयोगाने स्टाफ नर्स भरती परीक्षेसाठी नुकतेच प्रवेशपत्र जारी केलेय. दरम्यान, ज्या उमेदवारांनी या पदांसाठी अर्ज केले होते, त्यांनी अधिकृत वेबसाईटला uppsc.up.nic.in भेट देऊन प्रवेशपत्र (UPPSC Staff Nurse Admit Card 2021) डाउनलोड करू शकतात. या रिक्त पदाद्वारे राज्यात एकूण 3000 हून अधिक पदांची भरती केली जाईल.

यूपीपीएससीने जारी केलेल्या सूचनेनुसार, स्टाफच्या नर्स भरतीसाठी 3 ऑक्टोबर 2021 रोजी परीक्षा घेण्यात येईल. या रिक्त पदासाठी अर्ज प्रक्रिया 16 जुलै 2021 रोजी सुरू झालीय. याकरिता उमेदवारांना अर्ज करण्यासाठी 31 ऑगस्ट 2021 पर्यंत वेळ देण्यात आला होता, तर शुल्क जमा करण्याची अंतिम तारीख 3 सप्टेंबर 2021 होती. जारी केलेल्या सूचनेनुसार, एकूण 3012 रिक्त पदे असतील.

Admit Card कसे डाउनलोड करावे?

• प्रवेशपत्र डाउनलोड करण्यासाठी सर्वप्रथम UPPSC च्या अधिकृत वेबसाइटला uppsc.up.nic.in भेट द्या.

• वेबसाइटच्या मुख्यपृष्ठावर दिलेल्या ACTIVITY DASHBOARD लिंकवर क्लिक करा.

• आता A-4/E-1/2021, STAFF NURSE/SISTER GRADE-2 (MALE/FEMALE) EXAM-2021 या पर्यायावर जा.

• तद्नंतर विनंती केलेला तपशील भरून सबमिट करा.

• एकदा सबमिट केल्यानंतर, प्रवेशपत्र पुन्हा स्क्रीनवर दिसेल.

• ते डाउनलोड करा आणि पुढील वापरासाठी प्रिंट आउट घ्या.

परीक्षेचा तपशील

स्टाफ नर्स आणि सिस्टर ग्रेड - 2 भरती परीक्षा 3 ऑक्टोबर 2021 रोजी घेण्यात येणार आहे. ही परीक्षा दोन तासांच्या एकाच शिफ्टमध्ये घेतली जाईल. जी सकाळी 11 वाजता सुरू होईल. तसेच, आयोगाने राज्यातील 5 जिल्ह्यांमध्ये परीक्षा आयोजित करण्याचे जाहीर केलेय. यात प्रयागराज, लखनौ, गाझियाबाद, मेरठ आणि गोरखपूर यांचा समावेश आहेत.

या पदांवर होणार भरती

उत्तर प्रदेश लोकसेवा आयोगाने स्टाफ नर्स पदासाठी जारी केलेल्या या रिक्त पदाद्वारे महिला उमेदवारांना अधिक जागा दिल्या आहेत. या रिक्त जागेत एकूण 3012 पदांची भरती केली जाईल. यात पुरुष उमेदवारांसाठी 341 जागा आणि महिला उमेदवारांसाठी 2671 जागा निश्चित करण्यात आल्या आहेत.