Vishal Patil : 'वसंतदादा घराण्याविरोधात कुटिल डाव खेळले जाताहेत, काँग्रेसनिष्ठा दाखविण्यासाठी परीक्षा द्यावीच लागते'

सांगली : ‘‘सांगली जिल्ह्यात काँग्रेस (Congress) वाढवण्याचे काम वसंतदादा घरण्याने केले आहे. याच घराण्याविरोधात अनेक कुटिल डाव खेळले जातात. लोकसभेची पुनरावृत्ती विधानसभा निवडणुकीत घडत आहे. आमची काँग्रेसनिष्ठा दाखविण्यासाठी परीक्षा द्यावी लागते,’’ ही खंत खासदार विशाल पाटील (Vishal Patil) यांनी सभेत बोलून दाखविली. ‘‘मतदारसंघाबाहेरील शक्तींकडून या त्रासदायक खेळी खेळल्या जात आहेत. त्यामुळे लोकसभेप्रमाणे विधानसभेला देखील भाजपचा पराभव करण्यासाठी जयश्री पाटील यांना साथ द्या,’’ असे आवाहनही खासदार पाटील यांनी यावेळी केले.