Karnataka Election : भाजपची उमेदवारी यादी ८ एप्रिलला; प्रल्हाद जोशी

मंत्री प्रल्हाद जोशी; कोअर कमिटी बैठकीनंतर माहिती
Karnataka Election bjp announce candidate list on april 8 pralhad joshi  politics
Karnataka Election bjp announce candidate list on april 8 pralhad joshi politicssakal

बेळगाव : काँग्रेस पक्षाकडून मंगळवारी (ता.४) दुसरी यादी जाहीर करण्याची तयारी सुरू असताना भाजपची पहिली यादी येत्या ८ एप्रिलला घोषित केली जाईल, अशी माहिती केंद्रीय संसदीय व्यवहार मंत्री प्रल्हाद जोशी यांनी दिली.

भाजपची जिल्हास्तरीय कोअर कमिटी बैठक रविवारी (ता.२) रात्री उशिरा झाली. बेळगाव शहर, ग्रामीण व चिक्कोडी विभागातील पदाधिकारी व कोअर कमिटीचे सदस्य बैठकीला उपस्थित होते. बैठकीनंतर मंत्री जोशी बोलत होते. भाजपचे उपाध्यक्ष निर्मलकुमार सुराणासह माजी उपमुख्यमंत्री लक्ष्मण सवदी, आमदार रमेश जारकीहोळी, आमदार, खासदार उपस्थित होते.

श्री. जोशी म्हणाले, ‘विधानसभा निवडणुकीसाठी प्रत्येक मतदारसंघामध्ये तिघांची निवड करण्यात येणार आहे. त्यासाठी पदाधिकारी व कार्यकर्ते यांचा कौल घेण्यात येत आहे. इच्छुक तिघांची यादी ही राज्य निवडणूक समितीकडे पाठवण्यात येईल. त्यानंतर अंतिम उमेदवारी ठरविण्यात येईल. पक्षाला १८ पैकी १५ जागांवर विजयाचे उद्दिष्ट आहे.’

दरम्यान, काँग्रेसकडून पहिली उमेदवारी यादी जाहीर करण्यात आली असून, २२४ पैकी १२४ उमेदवारांचा समावेश आहे. त्यात जिल्ह्यातील ९ जणांचा समावेश आहे. मात्र, जिल्ह्यामधील अन्य नऊ उमेदवारांसोबत राज्यातील १०० जणांची नावे घोषित व्हायची आहेत.

त्यासाठी मंगळवार व बुधवाराचा मुहूर्त निश्‍चित असल्याचे मानले जात आहे. दुसरीकडे भाजप मतदारांचा कौल घेत आहे. जनमत आधारे उमेदवार निश्‍चित करत आहे. त्यानुसार येत्या ८ एप्रिलला उमेदवारांची पहिली यादी घोषित केली जाईल, अशी माहिती जोशी यांनी दिली आहे.

पक्षात मतभेद नाहीत

उमेदवार निवडीसाठी पुढील दोन दिवस बैठक झाली. बेळगाव व बंगळूर हे जिल्हे सर्वाधिक मतदारसंघ असलेले आहेत. यामुळे माहिती गोळा केली जात आहे. तसेच जिल्हा भाजपमध्ये कोणतेही मतभेद नाहीत. आगामी निवडणूक एकसंघपणे लढवणार असल्याचे मंत्री प्रल्हाद जोशी यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com