प्रश्नोत्तरे | Sakal
sakal

बोलून बातमी शोधा

Sickness

माझे वय ३० वर्षे आहे. आमच्या घरात सोरायसिसची वंशपरंपरा आहे. आजोबांना उतारवयात पण खूप कमी प्रमाणात होता.

प्रश्नोत्तरे

माझे वय ३० वर्षे आहे. आमच्या घरात सोरायसिसची वंशपरंपरा आहे. आजोबांना उतारवयात पण खूप कमी प्रमाणात होता. आई-बाबा दोघांनाही त्यांच्या चाळिशीच्या आसपास पण कोपरावर थोड्या प्रमाणात सुरू झाला. मला मात्र मी १४ वर्षांचा असल्यापासून आणि संपूर्ण अंगावर हा त्रास आहे. स्टिरॉइड वगैरे घेतल्याने पूर्ण बरा होतो पण नंतर पुन्हा सुरू होतो. कृपया यावर काही उपाय असल्यास सुचवावा..

- परेश काळे

उत्तर - या प्रकारच्या त्रासावर रक्तशुद्धीसाठी सर्व बाजूंनी प्रयत्न करणे आवश्यक असते. यात पथ्य सांभाळणे, रक्तशुद्धीकर औषधे घेणे, पंचकर्माच्या मदतीने शरीरशुद्धी करणे महत्त्वाचे असते. या दृष्टीने मांसाहार, आंबट पदार्थ, तळलेले पदार्थ, मैदा, सिमला मिरची, वांगे, गवार, कोबी-फ्लॉवर, टोमॅटो, चिंच, काजू, पिस्ता, दही हे पदार्थ आहारातून टाळणे आवश्यक. रक्तशुद्धीसाठी महामंजिष्ठादी काढा, अनंतसॅन गोळ्या, पंचतिक्त घृत घेण्याचा उपयोग होईल. स्नानाच्या वेळी साबणाऐवजी सॅन मसाज पावडर व मसुराचे पीठ यापासून तयार केलेले मिश्रण वापरणे, केसांसाठी रासायनिक द्रव्यांसून बनविलेली उप्तादने न वापरता रिठा, शिकेकेई, आवळकाठी वगैरे नैसर्गिक द्रव्यांपासून बनवलेले मिश्रण किंवा तयार संतुलन सुकेशा वापरणे हे चांगले. वैद्यांच्या सल्ल्याने विरेचन, बस्तीसारखे उपचार घेणेही उत्तम.

आम्ही फॅमिली डॉक्टर सुरुवातीपासून वाचतो. यातील उपायांचा आम्हाला खूप फायदा झालेला आहे. माझा प्रश्र्न असा आहे की गूळ व साखर हे उसाच्या रसापासून बनविलेले आहेत तर साखरेऐवजी गूळ वापरलेला चालतो का?

- सीमा पाटील

उत्तर - फॅमिली डॉक्टरचा उपयोग झाल्याचे कळविल्याबद्दल धन्यवाद. गूळ व साखर दोन्ही जरी उसापासून बनविलेले असले तरी त्यांच्या गुणांतील फरक प्रक्रियेमुळे आलेला असतो. गूळ उष्ण वीर्याचा असतो तर साखर शीत वीर्याची असते. यामुळे थंडीमधे कच्चा गूळ तूप घालून योग्य प्रमाणात खाल्लेला चालतो. मात्र खडीसाखर वर्षभर चहा-दूध, शिरा, खीर वगैरे गोड पदार्थ बनविण्यासाठी वापरलेली चालते. प्रत्येकाने किमान २-३ चमचे प्रमाणात खडीसाखर सेवन करणे आवश्यक होय. मधुमेह असणाऱ्यांसाठी हे प्रमाण थोडे कमी म्हणजे एक ते दीड चमचा इतके करता येते.

Web Title: Question And Answer 9th September 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Family Doctorhealth