Crispy Jwariche Dhirde: नाश्त्यासाठी झटपट बनवा ज्वारीच्या पिठाचे धिरडे, जाणून घ्या रेसिपी

Crispy Jwariche Dhirde: सकाळी नाश्त्यात तांदळाच्या आणि गव्हाच्या पिठाचे धिरडे खाल्ले असेल. पण तुम्ही ज्वारीच्या पिठाचे धरडे खाल्ले आह का? नसेल तर सकाळच्या नाश्त्यात पौष्टिक असे ज्वारीच्या पिठाचे धिरडे बनवू शकता. हे धिरडे बनवायला सोपे आणि चवदार आहेत. चला तर मग जाणून घेऊया ज्वारीच्या पिठाचे धिरडे कसे बनवावे.

ज्वारीच्या पिठाचे धिरडं बनवण्यासाठी लागणारे साहित्य

१ कप ज्वारीचं पीठ

१/४ कप तांदळाचं पीठ

१/४ कप पाणी

१/२ चमचा धनेपूड

१/२ चमचा जिरं

बारीक चिरलेली ढोबळी मिरची

बारीक चिरलेला टोमॅटो

चिरलेली हिरवी मिरची

१/४ चमचा हळद

किसलेलं गाजर

चवीनुसार मीठ

१/२ लिंबाचा रस

तेल

ज्वारीच्या पिठाचे धिरडे बनवण्याची कृती

ज्वारीच्या पिठाचे धिरडे बनवण्यासाठी सर्वात आधी एका मोठ्या भांड्यात ज्वारीचे पीठ आणि तांदळाचे पीठ घ्यावे. नंतर त्यात मीठ टाकावे. थोडे पाणी टाकून पातळ मिश्रण तयार करावे.नंतर त्यात तेलाची फोडणी म्हणजेच तेल गरम करून जीर,मोहरी, कडीपत्त्याची पाने टाकावे. नंतर यात बारिक चिरलेल्या भाज्या टाका. नंतर तवा गरम करावा आणि धिरडे करावे. हिरव्या चटणीसोबत धिरड्याचा आस्वाद घेऊ शकता.