पुणे : उन्हाळयात जेवण कमी आणि पाणी जास्त प्रमाणात प्यावंसं वाटतं. अशातच वाढत्या उन्हामुळे तेच तेच जेवण करायला नकोसे होऊन जाते. अशावेळी जेवण करताना तोंडी लावण्यासाठी आपल्याला काहीतरी हवेसे वाटते. त्याच उन्हाळयात पापड आणि लोणची बनवण्याचे प्रमाण जास्त असते. त्यातीलच एक डिश म्हणजे पारंपारिक पद्धतीने वाळवणीची दही मिरची. नाव ऐकूनच तोंडाला पाणी सुटले असेल, बरोबर ना. चला तर मग पारंपारिक पद्धतीने वाळवणीची दही मिरची कशा पद्धतीने बनवायची ते जाणून घेऊयात.
साहित्य :
घट्ट दही-अर्धा वाटी
4 लसूण पाकळ्या बारीक किसलेले
हिरवी मिरची-50 ग्रॅम
भाजलेली जिरेपूड-1 टेबलस्पून
हळद पावडर-पाव चमचा
हिंग-पाव चमचा
मीठ चवीनुसार इ.
कृती : प्रथम एका बाऊलमध्ये दही फेटून एकजीव करून घ्यावे. त्यानंतर त्यामध्ये वरील सगळे मसाले (मिरची सोडून ) फेटलेल्या दहीमध्ये घालून ते व्यवस्थित मिक्स करून घ्यावे. आता सगळे व्यवस्थित मिक्स केल्यानंतर त्यामध्ये मधून कट केलेली मिरची टाकून छान मिक्स करावे जेणेकरून मिरचीच्या आतपर्यंत मसाला जाईल. आणि हे किमान 1 तासासाठी झाकून ठेवावे. म्हणजे मसाला मिरचीमध्ये छान मुरेल. आणि नंतर एका प्लेटवरती मिरची पसरवून ती कडक उन्हामधून 3 दिवस वाळवून घ्यावी. आणि स्वच्छ हवाबंद बरणीमध्ये भरून ठेवावी. ही मस्त अशी दही मिरची वर्षभर टिकते.
(सविता चौगुले)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.