Fitness Freak Faral : गव्हाची नानकटाई कशी बनवायची?

Whole Wheat Nankatai
Whole Wheat Nankatai

नानकटाई हा सहसा मैद्यापासून बनवला जाणारा पदार्थ आहे पण, तुम्हाला नानकटाईला हेल्दी बनवायचे असेल तर तुम्ही गव्हाचे पीठ वापरू शकता. तुम्ही त्यामध्ये गोडीसाठी थोडी साखर टाकू शकता. पण काळजी करू नका तुम्ही केव्हाही 10 मिनिटांचा वॉक घेऊन ही जास्तीची कॅलरीज बर्न करू शकतात. चला तर मग जाणून घेऊया गव्हाची नानकटाई कशी बनवायची...

गव्हाची खमंग नानकटाई (Whole Wheat Nankatai)

साहित्य-

  • गव्हाचे पीठ - १ कप

  • बेसन - १/४ कप

  • पिठीसाखर - १/२ कप

  • वेलची पावडर - १/२ टीस्पून

  • तूप - १/३ कप

  • दूध – १-२ टीस्पून

कृती

  • प्रथम १८० डिग्री सेल्सिअस तापमानावर सुमारे १५ मिनिटे ओव्हन प्रीहिट करा.

  • बेकिंग ट्रेवर पर्चमेंट पेपर पसरा, जर तुमच्याकडे पर्चमेंट पेपर नसेल तर ट्रेला थोडे तुप लावून घ्या आणि बाजूला ठेवा.

  • आता एका खोलगट भांड्यात मैदा, पिठीसाखर आणि वेलची पावडर एकत्र चाळून घ्या. त्यांना व्यवस्थित एकत्र करून घ्या.

  • पिठाचे मिश्रण असलेल्या भांड्यात हळू हळू थोडे तूप घाला आणि पीठ घट्ट बनवण्यासाठी ते चांगले मिसळा. पीठ एकत्र करण्यासाठी थोडेसे तूप वापरावे. पीठ मळू नये. आवश्यक असल्यास तुम्ही एक चमचे दूध देखील घालू शकता.

  • आता पिठाचे छोटे गोळे बनवा. त्यांना सपाट करण्यासाठी हळूवारपणे दाबा. काटे चमचा किंवा टूथपिक वापरून त्यावर डिझाइन बनवा.

  • आता ते बेकिंग ट्रेवर ठेवा आणि प्रीहेटेड ओव्हनमध्ये २०-२५ मिनिटे बेक करा.

  • आता तुमची गव्हाची नानकटाई तयार आहे. आता तुम्हा गरमागरम नानकटाईचा आस्वाद घ्या. तुम्ही नानकटाई २-३ आठवड्यांसाठी हवाबंद डब्यात देखील ठेवू शकता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com