लसणीच्या पातीचा आहारात करा वापर, होतील फायदे

हिवाळ्यात आवर्जून काही भाज्या, पालेभाज्या मिळतात. त्यात हिरव्या लसणीची पात मिळतेच मिळते. ती अनेकदा चटणी, आमटीमध्ये, तसेच डीप्समध्ये वापरली जाते. या पातीचा उपयोग उंधियोसाठी पण केला जातो. पदार्थात चविष्टपणा येण्यासाठी त्याचा वापर हमखास केला जातो. हिवाळ्यात पुरेपुर खाल्ली जाणारी ही लसूण आरोग्यासाठीही फायदेशीर आहे.

हिवाळ्यात आवर्जून काही भाज्या, पालेभाज्या मिळतात. त्यात हिरव्या लसणीची पात मिळतेच मिळते. ती अनेकदा चटणी, आमटीमध्ये, तसेच डीप्समध्ये वापरली जाते. या पातीचा उपयोग उंधियोसाठी पण केला जातो. पदार्थात चविष्टपणा येण्यासाठी त्याचा वापर हमखास केला जातो. हिवाळ्यात पुरेपुर खाल्ली जाणारी ही लसूण आरोग्यासाठीही फायदेशीर आहे.

असे आहेत फायदे

अॅलिसिन नावाचे अँटीऑक्सिडंट हिरव्या लसणात भरपूर प्रमाणात असते. हे कोलेस्ट्रॉल कमी करण्यासाठी कार्य करते. त्यामुळे शरिरातील जळजळ कमी करते, सर्दी, खोकला आणि फ्लूपासून तुमचे रक्षण होते. याशिवाय हिरव्या लसणाने रोगप्रतिकारक शक्ती वाढायला मदत होते. काही अभ्यासानुसार, लसणात असलेले अॅलिसिन कॅन्सरसारख्या गंभीर आजारांपासून बचाव करण्यासही मदत करते.

चटणीची रेसिपी

कृती - हिरवी लसूण एक छोटी जुडी, कोथिंबीर एक वाटी, आवडीप्रमाणे मिरच्या, एक चमचा जिरं, आवडीप्रमाणे मीठ, साखर, लिंबाचा रस

साहित्य- हिरव्या लसणीची पात धुवून घ्या. त्याचे तुरे काढून टाका. मिक्सरच्या भांड्यात ही लसूण, कोथिंबीर, मिरच्या, जिरं, मीठ, साखर आणि लिंबाचा रस घालून बारीक फिरवून घ्या. चटणी तयार आहे. ही चटणी तुम्ही पोळी, ब्रेड, पराठासोबत खावू शकता.