Punjabi Aloo Paratha : नाश्त्याला बनवा पंजाबी पद्धतीचा बटाट्याचा पराठा, वाचा 'ही' सोपी रेसिपी

Punjabi Aloo Paratha : भारतीय स्वयंपाकघरात विविध प्रकारचे खाद्यपदार्थ बनवले जातात. सकाळच्या नाश्त्यामध्ये पोह्यापासून ते पराठ्यापर्यंत आपण अनेक प्रकारचे पदार्थ बनवतो. या सगळ्यात आलू पराठा अर्थात बटाट्टाचा पराठा हा आपल्या सर्वांच्या आवडीचा आहे. लहान मुलांपासून ते मोठ्यांपर्यंत सर्वांना हा पराठा खायला आवडतो.

तुम्ही आतापर्यंत साध्या पद्धतीने बनवलेला बटाट्याचा पराठा खाल्ला असेल. परंतु, तुम्ही कधी पंजाबी पद्धतीने बनवलेला बटाट्याचा पराठा खाल्ला आहे का? नसेल खाल्ला तर आजचा हा लेख खास तुमच्यासाठी आहे. हा पंजाबी पद्धतीचा आलू पराठा कसा बनवायचा? चला तर मग जाणून घेऊयात ही रेसिपी.

पंजाबी पद्धतीने बटाट्याचा पराठा बनवण्यासाठी लागणारे साहित्य :

• कणीक २ कप

• मैदा १ कप

• उकडलेले बटाटे ३

• १ कांदा बारीक चिरलेला

• लसुणाची पेस्ट १ चमचा

• बारीक चिरलेली कोथिंबीर

• धना-जिरे पावडर १ चमचा

• १ चमचा हळद

• लाल तिखट १ चमचा

• ३ चमचे तेल

• तूप-तेल तळण्यासाठी

• चवीनुसार मीठ

पंजाबी पद्धतीने बटाट्याचा पराठा बनवण्याची सोपी पद्धत :

• पंजाबी पद्धतीने बटाट्याचा पराठा बनवण्यासाठी सर्वात आधी एका भांड्यात कणिक आणि मैदा घ्या.

• आता त्यामध्ये ३ चमचे तेल आणि मीठ मिसळून पीठ चांगले मिक्स करा.

• आता त्यात पाणी मिक्स करून झाल्यावर पीठ चांगले मळून घ्या.

• मळलेल्या पीठाला थोडे तेल लावून झाकून ठेवा आणि १५ मिनिटे असेच ठेवा.

• त्यानंतर, बटाट्याचा मसाला तयार करण्यासाठी वेगळे भांडे घ्या आणि त्यात बटाटे चांगले स्मॅश करून घ्या.

• या मिश्रणात आता कांदा, लसुणाची पेस्ट, कोथिंबीर, हळद आणि इतर मसाले घाला.

• आता चवीनुसार मीठ घालून हे मिश्रण मिक्स करा.

• आता या मिश्रणाचे गोळे बनवा आणि मळलेली कणिक लाटायला घ्या. त्यामध्ये बटाट्याच्या मसाल्याचा गोळा स्टफ करा आणि पराठे लाटून घ्या.

• पॅनवर किंवा तव्यावर तेल किंवा तूप लावून दोन्ही बाजूंनी पराठा सोनेरी होईपर्यंत भाजून घ्या.

• तुमचा गरमारगम पंजाबी पद्धतीचा आलू पराठा तयार आहे.