Soya Upma Recipe : नाश्त्यामध्ये बनवा प्रथिनांनी समृद्ध असलेला सोयाबीन उपमा, चवदारही लागणार अन् पोट ही भरणार.!

Soya Upma Recipe : सोयाबीन आपल्या आरोग्यासाठी अतिशय फायदेशीर मानले जाते. सोयाबीनपासून अनेक प्रकारचे खाद्यपदार्थ बनवले जातात
Soya Upma Recipe
Soya Upma Recipeesakal

Soya Upma Recipe : सोयाबीन आपल्या आरोग्यासाठी अतिशय फायदेशीर मानले जाते. सोयाबीनपासून अनेक प्रकारचे खाद्यपदार्थ बनवले जातात. फायबर आणि प्रथिनांनी समृद्ध असलेल्या या सोयाबीनपासून स्वादिष्ट उपमा बनवला जातो. सकाळच्या नाश्त्यासाठी हा उत्तम पर्याय आहे. हा उपमा बनवायला फार साहित्याची गरज पडत नाही. तसेच, अगदी कमी वेळात हा उपमा तयार होतो.

सोयाबीन उपमा केवळ चवदारच नाही तर आरोग्यासाठी ही फायदेशीर आहे. हा उपमा कसा बनवायचा? याची सोपी रेसिपी आज आपण जाणून घेणार आहोत. चला तर मग जाणून घेऊयात चविष्ट सोयाबीन उपम्याची रेसिपी.

Soya Upma Recipe
Rava Cutlet Recipe : नाश्त्यात झटपट बनवा स्वादिष्ट रवा कटलेट, एकदम सोपी आहे रेसिपी

सोयाबीन उपमा बनवण्यासाठी लागणारे साहित्य :

  • सोयाबीन पावडर १ कप

  • बारीक चिरलेला कांदा १

  • बारीक चिरलेले गाजर १

  • बारीक चिरलेली हिरवी मिरची

  • बारीक चिरलेली कोथिंबीर

  • लिंबू १

  • हिंग चिमूटभर

  • जिरे-मोहरी १ चमचा

  • हळद चिमूटभर

  • चवीनुसार मीठ

  • आवश्यकतेनुसार तेल

सोयाबीन उपमा बनवण्याची सोपी पद्धत :

  • सर्वात आधी एका पॅनमध्ये १ ग्लास पाणी घ्या. हे पाणी गरम करायला ठेवा.

  • या पाण्यात सोयाबीन पावडर घाला. साधारण १५ मिनिटांनंतर गॅस बंद करा आणि यातील सोयाबीन पावडर काढून घ्या आणि उरलेले पाणी टाकून द्या.

  • आता कढई गरम करायला ठेवा, यात थोड तेल घालून त्यात जीरे-मोहरी आणि हिंग, चिमूटभर हळद घाला.

  • फोडणी चांगली बसल्यावर त्यात बारीक चिरलेला कांदा, हिरवी मिरची, गाजर घाला.

  • हे सर्व घटक चांगले परतून घेतल्यानंतर त्यात सोयाबीन पावडर घालून चांगले शिजवून घ्या.

  • या मिश्रणात चवीनुसार मीठ घाला. त्यानंतर, हा उपमा १०-१५ मिनिटांसाठी चांगला शिजू द्या.

  • त्यानंतर, सोयाबीन उपमावर बारीक चिरलेली कोथिंबीर आणि लिंबाचा रस घालून गरमागरम उपमा सर्व्ह करा.

Soya Upma Recipe
Paneer Pakoda Recipe : छोट्या भुकेचा मोठा फॉर्म्युला, दहा मिनिटात तयार होणारे पनीर पकोडे

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com