पाणीपुरीचं आईस्क्रीम..काय काय खायचं! नेटकरी वैतागले

सध्या आईस्क्रीमवर अत्यंत विचित्र प्रयोग सुरू आहेत. मॅगी, मोमोज, ढोकळा, डोसा या पदार्थांचे आईस्क्रीम (Icecream) करण्याचा ट्रेंड सुरू आहे. हे व्हिडिओ व्हायरल झाल्यावर नेटकरी वैतागले आहेत. पण तरीही असे व्हिडिओ तयार केले जात आहेत. आता पुन्हा एक व्हिडिओ व्हायरल (Viral Video) झाला असून या माणसाने चक्क पाणीपुरीचं आईस्क्रीम केलंय. ते पाहून नेटकर्यानी डोक्याला हात लावला आहे. हा पदार्थ खायचा कसा असा प्रश्न लोकांना पडला आहे. (Weird Food Viral Video)

इंस्टाग्रामवर व्हिडिओ द ग्रेट इंडियन फूडी या फूड ब्लॉगिंग चॅनलने शेअर केला आहे. व्हिडिओत दिसते की, एक माणूस सुकी पुरी, बटाटे, छोले आणि भरपूर घालून दोन पाणी पुरी तयार करतो. त्यानंतर क्रीम घालतो. तव्यावर सेट करून त्याचा आईस्क्रीम रोल तयार करतो. हा व्हिडिओ अपलोड झाल्यावर तो प्रचंड व्हायरल झाला आहे. व्हिडिओ 251,000 हून अधिक लोकांनी पाहिला असून लोकांनी चित्रविचित्र प्रतिक्रिया दिल्या आहेत.