Monsoon Snacks: पावसाळ्यात हेल्दी अन् चटपटीत चाटचा आस्वाद घ्यायचाय? मग घरीच बनवा 'हे' 2 पदार्थ

Monsoon Snacks: पावसाळा सुरू झाला आहे. या दिवसांमध्ये प्रत्येकाला चांगले पदार्थ खाण्याची इच्छा होते. यंदा पावसाळ्यात चटपटीत पदार्थांचा आस्वाद घ्यायचा असेल तर ही बातमी तुमच्यासाठीच आहे. पुढील चटपटीत पदार्थ घरीच बनवून पावसाचा आनंद घेऊ शकता.

मोड आलेल्या मुगाची टिक्की

हा पदार्थ खायला खूप चविष्ट आहे. पावसाळ्यात चहाची मजा देखील दुप्पट होईल.

साहित्य

मोड आलेले मूग 2 वाट्या, हिरवा कांदा 1/2 कप बारीक चिरून, हिरव्या मिरच्या 2 बारीक चिरून, लसूण 1 टीस्पून बारीक चिरून, चवीनुसार मीठ.

कृती

मोड आलेले मूग मिक्सरमध्ये टाकून बारीक करावे. नंतर एका भांड्यात हिरवा कांदा, हिरवी मिरची, लसूण आणि मीठ घालून मिक्स करावे. त्याचे छोटे गोळे करून सपाट करा. आता तवा गरम करून त्यावर थोडे तेल टाका आणि मग या टिक्की भाजून घ्या. दोन्ही बाजूंनी सोनेरी होईपर्यंत भाजा. पुदिना आणि टोमॅटो चटणीसोबत सर्व्ह करा.

पनीर बॉल

साहित्य

250 ग्रॅम किसलेले पनीर, 2 चमचे कॉर्न फ्लोअर, चवीनुसार मीठ, 1 कप उकडलेले आणि मॅश केलेले बटाटे, 1 कप बारीक चिरलेली कोथिंबीर, 1 कप ब्रेड क्रंब्स, 2 टीस्पून हिरव्या मिरचीची पेस्ट, 1 टीस्पून मिरची पेस्ट.

कृती

एका भांड्यात किसलेले पनीर, कॉर्न फ्लोअर, उकडलेले आणि मॅश केलेले बटाटे, हिरव्या मिरचीची पेस्ट, लसूण पेस्ट, मीठ, ब्रेड क्रंब आणि बारीक चिरलेली कोथिंबीर घालून चांगले मिक्स करावे. मिश्रणाचे गोळे बनवा. कढईत तेल टाकून गरम करा. सर्व गोळे सोनेरी होईपर्यंत तळून घ्या. प्लेटमध्ये काढून चटणी किंवा सॉससोबत सर्व्ह करा.